हावाहुरीसहित पानी परेपछि मौसममा सुधार, प्रदूषण कम  

२८ चैत, काठमाडौं ।  जल तथा मौसम पूर्वानुमान महाशाखाका अनुसार काठमाडाैंसहित देशका विभिन्न ठाउँमा हावाहुरीसहित पानी परेपछि मौसममा सुधार हुनुका साथै वायु प्रदूषण समेत केही कम भएको छ ।

गएराति काठमाडाैंसहित देशका विभिन्न ठाउँमा हावाहुरीसहित पानी परेको थियो । हल्का पानी परेपछि वायु प्रदूषण मापन गर्ने नेपालको एक्यूआई अहिले १५० भन्दा तल झरेको देखाएको छ ।

केही दिनअघि नेपालको वायु प्रदूषण विश्वकै सबैभन्दा धेरै उच्च हानिकारक अवस्था अर्थात ४७० एक्यूआईमा पुगेको थियो । मौसम खुलेसँगै प्रदूषण कम भई सुधार भएर निश्चित समूहका लागि मात्रै अस्वस्थ अवस्थामा आइपुगेको हो ।

अझै पनि पाको उमेर समूहका, बालबालिका, श्वासप्रश्वाससम्बन्धी समस्या भएका दीर्घरोगीहरुले विशेष सावधानी अपनाउनुपर्ने जनस्वास्थ्यविद्हरु बताएका छन् ।