कोरोना भाइरसको संक्रमण बढेपछि दिल्लीका विद्यालयहरू बन्द

२८ चैत, काठमाडौं । कोरोनाभाइरसको संक्रमण बढेसँगै भारतको राजधानी नयाँदिल्लीमा सवै विद्यालयहरू बन्द गरिएको  छ।

कोरोनाभाइरसको संक्रमण बढ्दै गएपछि दिल्ली सरकारले अर्को सूचना जारी नभएसम्मका लागि सबै तहका विद्यालय बन्द गर्ने निर्णय गरेको भारतीय संचार माध्यमले जनाएका छन् ।

भारतमा पछिल्लो समय एकैदिनमा १ लाख ३१ हजार मानिसमा कोरोनाको संक्रमण पुष्टि भएको छ।

संक्रमण बढेको बढ्यै भएपछि महाराष्ट्र, दिल्ली, मध्यप्रदेशजस्ता राज्यहरूले विभिन्न प्रतिबन्धहरू लगाएका छन्। रात्रीकालिन बजारमा रोक लगाइएको छ । सभा समुह भेलामा पनि रोक लाइएको छ ।

नेपालमा पनि कोरोनाको संक्रमण बढेपछि कतिपय विद्यालय विश्व विद्यालयले अनलाईन कक्षा सुरु गरीएको छ । स्वास्थ्य मन्त्रालयले २५ जना भन्दा बढी भेला नहुँन आग्रह गरेको छ।