सतर्कता नअपनाए मुलुक पुन: लकडाउन !

२९ चैत, काठमाडौं । कोभिड–१९ संकट व्यवस्थापन केन्द्र (सिसिएमसी) ले नेपालमा पनि कोरोना संक्रमणको दोस्रो लहर फैलिन सक्ने भन्दै सतर्कता नअपनाए मुलुक पुन: लकडाउन जान सक्ने निश्कर्ष निकालेको छ ।  पछिल्लो समय कोभिड संक्रमणको ग्राफ बढेको र नयाँ भेरियन्टसमेत देखा परेको भन्दै सतर्कता अपनाउन सरकारले राष्ट्रिय रुपमा अपिल गरेको छ ।

अहिलेको संक्रमणको स्थिति र तयारीको विषयमा छलफल भई आम रुपमा सतर्कता अपनाउन अपील गर्ने निर्णय भएको सिसिएमसीले गरेको छ । यसबाहेक जिल्ला कोभिड–१९ संकट व्यवस्थापन केन्द्र डिसिसिएमसीलाई अझ बढी सक्रिय बनाउने निर्णय पनि गरेको छ।

सीमा नाकाहरुमा सञ्चालनमा आएका हेल्थ डेस्कहरूलाई थप प्रभावकारी बनाउने, एन्टिजेन टेष्टलाई बढाउने, कोभिड संक्रमण भई लक्षण देखा परेका बिरामीलाई अस्पताल भर्ना गर्ने र लक्षण नदेखिएकालाई क्वारेन्टाइनमा राख्ने काम लाई प्रभावकारी कार्यान्वय गर्नुपर्ने जोड सरकारले गरेको छ ।

यसबाहेक कुनै पनि क्षेत्रबाट स्वास्थ्य मापदण्ड पालना नभई अटेरी रुपमा सञ्चालनमा आएको पाइए कडा कदम चाल्नुपर्ने सक्रमण रोग ऐन अनुशार कारवाही गरिने सरकारले बताउदै आएको छ । जनस्वास्थ्य विदहरुले पनि स्वास्थ्य मापदण्डको पालनामा जोड दिदै आएका छन् ।