के ओली हटाउन कांग्रेसले देउवाको विकल्प खोज्नै पर्ने बाध्यता आएको हो ?
नेपालबहस संवाददाता
चैत २९, २०७७ आइतबार १९:९:२५
समाचार टिप्पणी
२९ चैत, काठमाडौं । प्रधानमन्त्री केपी ओलीविरुद्ध निर्माण भएको जनमत विस्तारै प्रमुख प्रतिपक्षी नेपाली कांग्रेसको दैलोभित्र पसेको अनुभूति हुन थालेको छ । यद्यपि पार्टी सभापति शेरबहादुर देउवाको निस्कृयताकै बीच वरिष्ठ नेता रामचन्द्र पौडेलको आवाज अलि बलशाली बनेकाले यस्तो अनुभूति भएको देखिएकाे हाे ।
गएको साता नेपाली कांग्रेसले औपचारिक रुपमै ओलीको राजीनामा माग्ने र आफ्नै नेतृत्वमा नयाँ सरकार बनाउने पहल गर्ने निर्णय गरेपछि राजनीतिले कोल्टे फेरेकै हो । तर यो परिस्थिति देउवाको भन्दा पौडेलको दबाबमा निर्माण भएको प्रतीत हुन्छ । त्यसैले पौडेल नै नयाँ सरकार निर्माणमा बढी सकृय भएका छन् । उनी आफूभने प्रतिनिधिसभा सदस्य छैनन् । उनको पहलले दिने परिणाम भनेको पार्टी सभापति तथा संसदीय दलका नेता देउवाकै पोल्टामा पर्ने निश्चित छ ।
पार्टीले निर्णय गर्दासमेत देउवाको सकृयता बढेन । उनलाई मनाउनै धेरै मेहनत गरेका पौडेलले जनता समाजवादी पार्टी अध्यक्ष महन्थ ठाकुरसँग पनि यसबारे छलफल गरे । लगत्तै शुक्रबार अपरान्ह् देउवाले त्रिदलीय बैठक डाँके । बैठकमा देउवाले औपचारिक रुपमै आफ्नो नेतृत्वमा सरकार बनाउन रुची देखाए । नेकपा माओवादी केन्द्र उक्त प्रस्तावमा सकारात्मक नै देखियो । तर जसपा भने अनिर्णत छ । जसले गर्दा नयाँ सरकार तत्कालै बनिहाल्ने अवस्था देखिएको छैन ।
अब प्रश्न उठ्छ–आखिर किन त ? प्रधानमन्त्री ओलीले पुष ५ गते चालेको कदम गैरसंवैधानिक हो भन्ने ठहर गर्नेहरुकै बीच गठबन्धन बन्न केले रोकेको होला ? परिस्थिति गम्भीर लाग्छ । देउवाको निस्कृतालाई पनि यसै मेसोमा जोडेर बुझ्न सकिन्छ । उनलाई थाहा छ, कांग्रेसको मात्रै मतले प्रधानमन्त्री बन्न सकिन्न । कुल संख्याको एक चौथाई समेत नरहेको कांग्रेसको अंकगणित फेरि पनि जसपाकै हातमा टिक्ने अवस्था छ । तर जसपा भने यसमा प्रष्ट छैन । जसपाको विषयमा प्रश्न उठ्ने वित्तिकै दक्षिणी छिमेकीसँग धेरै प्रसंग जोडिने गर्छ । पछिल्ला दिन दक्षिणसँग राम्रै हिमचिम बढाएका भनिएका देउवाले कतै उताको लाइन नपाएर पो नतातेका हुन् की भन्नेहरु पनि धेरै छन् । यद्यपि यसबारे ठोस रुपमै केही भनिहाल्ने अवस्था छैन । तर अनुमान भने गर्न सकिन्छ ।
हाम्रा छिमेकीहरुले आन्तरिक राजनीतिमा चासो राख्छन् भन्ने धेरै चर्चा हुने गर्छ । यद्यपि देखिने गरी कसैले कुनै हस्तक्षेप पनि गरेको छैन । तर अण्डर दी करेण्ट भने धेरै कुरा हुने गरेका छन् । त्यसैले वर्तमान ओली सरकारप्रति पछिल्ला दिन भारतको सफ्ट नजर रहेको बुझ्न गाह्रो छैन । त्यसैले देउवा पनि मौन बस्न खोजेका हुन् त ? भारतले दिने लाइन पछ्याएर राजनीति गर्ने दाउ देउवाका हो त ? यस्ता प्रश्न स्वभाविक रुपमा उठ्ने गरेका छन् । सत्ता राजनीतिका माहिर खेलाडी देउवाको निस्कृयतालाई यो कोणबाट समेत हेर्न थालिएको छ ।
भारतीय पक्षले नेपालमा कस्तो सरकार बनोस् भन्ने चाहेको होला त ? स्वभाविक छ आफ्नो आदेश मान्ने । तर आदेश मान्ने भन्ने नाममा टाँग भित्रै छिर्ने की आफ्नो मुद्धा स्थापित गर्ने भन्ने प्रश्न उठ्छ । नेपाललाई हेर्ने परम्परागत दृष्टिकोणमा परिवर्तन ल्याउन सक्ने नेताले त्यसको पहल गर्न सक्छ । देउवाले भारतलाई आफ्नो मुद्धामा सहमत गराउने प्रयास गरे भने नयाँ सोच र अवधारणाले स्थापित हुने मौका प्राप्त हुन सक्छ । त्यसका लागि देउवाकै चाहना र सकृयता बढी प्रभावकारी हुने हो ।
प्रधानमन्त्री केपी ओली सत्तामा आएपछि धेरै खालका उतारचढाव देखिए । खाँटी राष्ट्रवादी नेताको पहिचान बनाएर सत्तामा आएका ओली एक वर्ष नवित्दै भारत परस्त भएको दर्जनौं घटनाहरु देखिए । साथै, ओलीले दोस्रो कार्यकाल सुरु भएपछिको अवधिमा भोगेको उतारचढाव पनि गज्जबै छ । आज ठीक उल्टो ओली भारतका पक्का ताबेदार रहेको देखिन्छ । यद्यपि उनले केही महिना अगाडि मात्रै आफूलाई फेरि सच्चा राष्ट्रवादी देखाउने भारतीय भूमि समावेश गरी नेपालको चुच्चे नक्सा नै पारित गराए ।
तर त्यसलाई पाठ्यक्रम र अन्य आवश्यकीय स्थानमा भने प्रयोग गरेनन् । हिजै मात्र राष्ट्रपति विद्यादेवी भण्डारीले वितरण गरेको तक्मामा चुच्चे नक्सा गायब पारिएको छ । यसैले पनि ओलीको भारतप्रतिको पछिल्लो दृष्टिकोण प्रष्टीएको छ । तर कांग्रेस भने हिजो जहाँ थियो, अहिले पनि त्यहीं छ । प्रतिपक्षमा धकेलिएको कांग्रेसको भूमिका तीन वर्ष यता उस्तै छ । न उ सफल प्रतिपक्ष बन्न सक्यो , न सत्ता परिवर्तनको वाहक नै । सधैं फितलो ।
विगतमा ओली सरकारको ज्यादती बढ्दै जाँदा धेरैले कांग्रेसको भूमिका खोजे । तर कतै देखिएन वा फेला परेन कांग्रेस । बरु ओलीको जुठोपुठो खाएको आरोप लाग्यो । प्रतिपक्षी भएरपनि भागबण्डा खोज्ने हो र भन्ने तहसम्मका प्रश्न उठे । त्यसले देउवालाई छोएन । अहिले पनि वैकल्पिक सरकार बनाउने अवसर छ, तर उनी अझै चुनावकै रटान लगाइरहेका छन् । ओलीको अनुत्तरदायी र गैर संवैधानिक कदमको कांग्रेसले कडा प्रतिवाद गरेको थियो भने यति धेरै संकट आउने थिएन ।
साथै, कांग्रेसलाई अहिले वैकल्पिक सरकार बनाउन समेत सकस हुने थिएन । विगतको गल्तीकै कारण अहिले पनि कांग्रेस सत्ताको नेतृत्व गर्ने साहसिक निर्णय गर्न सकिरहेको छैन । त्यसको छनक देउवाले कतिपय ठाउँमा निर्धक्क दिने गरेका छन् । उनले सार्वजनिक भाषणमै अहिले सरकार बनाउने खेलमा आफू नरहेको तर अर्कालाई देखाउनै भएपनि यसो बैठक डाकिदिएको जस्तो हल्का टिप्पणी गर्दैछन् देउवा । देउवाको यो सोच र धारणाले कांग्रेसलाई कति क्षति पुग्यो ,त्यसको हिसावकिताव त पछि इतिहासले गर्ला नै । तर आम जनताले भोग्नुपरेको सास्ती भने कहालीलाग्दो छ ।
अब कांग्रेसले नयाँ सोच बदल्न जरुरी छ । किनभने देउवालाई प्रधानमन्त्रीको उम्मेदवारकाे रुपमा अगाडि सारुञ्जेल ओलीको विकल्प खोज्न साँच्चै गाह्रो देखिएको छ । किनभने ओलीसँग उनको केमेष्ट्री गज्जवले मिलेको देखियो । देउवाले ओलीलाई विस्थापन गरी आफू सत्ता चलाउने आँट गरेनन् । त्यसैले पनि कांग्रेसले देउवाको विकल्प खोज्नै पर्ने वाध्यता छ । यदि ओलीलाई सत्ताबाट हटाउने नै हो भने कांग्रेस विकल्प दिन तयार हुनैपर्छ । त्यसका लागि आफ्नै पार्टीका अर्का कोही नेता वा अरु दलका नेता अगाडि सा्र्दा मात्रै फलदायी परिणाम प्राप्त हुने देखिन्छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपराहदानीको फिचर्स परिवर्तन र एमआरपी खरिदमा मुख्यसचिवदेखि सुरक्षा सल्लाहकारसम्म तानिने
बैशाख ८, २०८१ शनिबार
सत्ता र शक्ति भएपछि न प्रहरी लाग्छ, न अदालत ?
बैशाख ५, २०८१ बुधबार
गोदावरी बैठक छाडेर घरमै आराम गरिरहेका छन ओली
नेपालबहस संवाददाता
बैशाख ९, २०८१ आइतबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
बैशाख ११, २०८१ मंगलबार
कतारका अमिरको नेपाल भ्रमणः सार्वजनिक विदामै अलमलियो मन्त्रिपरिषद
बैशाख १०, २०८१ सोमबार
इलाम उपनिर्वाचन, डरैडरमा उम्मेदवार
बैशाख ११, २०८१ मंगलबार
नेपालले रुससँगको द्विपक्षीय सम्बन्धलाई सदुपयोग गर्न जरुरी छ : ढकाल
बैशाख ११, २०८१ मंगलबार
विपिन जोशीको रिहाईको पहल गरिदिन कतारी अमिरलाई राष्ट्रपति पौडेलको आग्रह
बैशाख ११, २०८१ मंगलबार
वीपिन जोशीको रिहाईको पहल गरिदिन राष्ट्रपति पौडेलको कतारी अमिरलाई आग्रह
बैशाख ११, २०८१ मंगलबार
लगानी सम्मेलनमा सोकेसमा राखिने परियोजनाको सूची स्वीकृत
बैशाख ११, २०८१ मंगलबार
प्रधानमन्त्री प्रचण्ड र ओलीबीच भेटवार्ता, राजनीतिक घटनाक्रमको विषयमा छलफल
बैशाख ११, २०८१ मंगलबार