नागर्जुनकाे आगलागी निभाउन हेलिकोप्टरबाट पानी खसाल्ने

२९ चैत, काठमाडौं । काठमाडौंको शिवपुरी नागार्जुन राष्ट्रिय निकञ्जमा डढेलो लागेको छ । आज आइतबार बिहान करिब ११ बजे डढेलो लागेको अनुमान गरिएको छ ।

बुढानीलकण्ठ नगरपालिका–१ को तौलुङ क्षेत्रबाट आगलागी सुरु भएको बताइएको छ । नेपाली सेना, नेपाल प्रहरी सशस्त्र प्रहरी र निकुञ्जका कर्मचारीले आगो नियन्त्रणको प्रयास गरिरहेका छन् ।

यस्तै, अहिले आगलागी नियन्त्रणका लागि काठमाडौं महानगरपालिका, बुढानिलकण्ठ नगरपालिका,नेपाली सेना, नेपाल प्रहरी, सशस्त्रको दमकमल त्यस क्षेत्रमा पुगेको छ । दमकलले मात्रै डढेलो नियन्त्रणमा लिन नसके हेलिकोप्टरबाट पानी खसाल्ने तयारी गरिएको छ ।