आइतवार ३६७ जनामा कोरोना संक्रमण

२९ चैत, काठमाण्डौ । आइतवार नेपालमा ३६७ जनामा कोरोना संक्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार ३१२५ जनाको पीसीआर परीक्षण गर्दा ३०३ जना र ६९० जनाको एन्टिजेन परीक्षण गर्दा ६४ जनामा एन्टिजेन भेटिएको हो ।

योसँगै नेपालमा कोरोना सङ्क्रमण पुष्टि हुनेको सङ्ख्या २ लाख ८० हजार २८ पुगेको छ । यस्तै पछिल्लो २४ घण्टामा १४१ जना निको भएर घर फर्केका छन् । योसँगै कोरोना सङ्क्रमणमुक्त हुनेको सङ्ख्या २ लाख ७४ हजार २७ पुगेको छ ।

२४ घण्टामा एक जनाको ज्यान गएसँगै नेपालमा कोरोना सङ्क्रमणबाट ज्यान गुमाउनेको सङ्ख्या ३ हजार ४० पुगेको छ ।