जसका नाममा सहमति, उसैकै नेतृत्वमा सरकार : प्रचण्ड
नेपालबहस संवाददाता
चैत ३०, २०७७ सोमबार १८:२६:१७
३० चैत, काठमाडौं । केपी ओलीलाई विस्थापित गरेर नयाँ गठबन्धन बनाउने प्रयासले अहिलेसम्म गति लिन नसक्दा राजनीति अब कुन दिशातर्फ अग्रसर होला भनेर अनुमान गर्नै मुश्किल भएको छ । यद्यपि अझै पनि ओलीको विकल्प दिने भन्दै प्रमुख प्रतिपक्षी दल नेपाली कांग्रेस, नेकपा माओवादी केन्द्र र जनता समाजवादी पार्टी भित्रको प्रयास भने जारी छ ।
पार्टी संगठनको सिलसिलामा आज गृह जिल्ला चितवन पुगेका माओवादी अध्यक्ष पुष्पकमल दाहाल ‘प्रचण्ड’ले भने–जसका नाममा सहमति जुट्छ, उसैको नेतृत्वमा सरकार बन्छ । प्रचण्डले यति भनिरहँदा प्रमुख प्रतिपक्षी दल नेपाली कांग्रेसले भने आफ्नै नेतृत्वमा सरकार गठनको पहल गर्ने निर्णय गरेकाले फेरि अर्काे अर्घेलो पाइपरेको छ । कांग्रेस सभापति शेरबहादुर देउवा आफू प्रधानमन्त्री हुने अवस्थामा मात्रै सत्तामा जान उत्सुक हुने देखिन्छ ।
गत शुक्रबार देउवाले आफ्नै निवासमा माओवादी र जसपा नेताहरुलाई बोलाएर यो विषयमा छलफल गरे । उनले प्रष्टै भनेका थिए–तपाईंहरुले स्वीकार्ने भए म प्रधानमन्त्रीको जिम्मेवारी सम्हाल्न तयार छु । माओवादी पक्षले तत्कालै देउवाको प्रस्ताव स्वीकार गरेपनि सत्ताको साँचो झुण्ड्याएको जसपाले भने कुरा चपायो । उसले पछि छलफल गरेर मात्रै जवाफ दिने भन्यो ।
हिजो यही प्रयोजनका लागि जसपाको शीर्ष नेताहरु छलफलमा बसे । तर सत्ता साझेदारीका विषयमा दुई थरि मत फेरि पनि आए । महन्थ ठाकुर र राजेन्द्र महतो यही सरकारबाट धेरै काम गराएर निर्वाचनमा जानुपर्ने पक्षमा अडिग देखिए भने डा. बाबुराम भट्टराई र उपेन्द्र यादव भने ओलीको विस्थापन एक मात्र अजेण्डा बनाएर जानुपर्ने पक्षमा उभिए ।
कांग्रेस सभापति देउवा र जसपाका महन्थ – राजेन्द्रको मत मिलेको छ । त्यसैले सम्भवतः अब राजपाले ओलीबाटै धेरै निर्णय आफ्नो पक्षमा गराउने र मध्यावधि निर्वाचनको तयारीमा जुट्ने निर्णयलाई अनुमोदन गर्ने छ । आज फेरि राजपाको शीर्ष नेताहरु यही विषयमा छलफल गर्न बैठक गर्दैछन् । आज दिउँसो २ बजेका लागि बैठक आह्वान गरिएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसत्ता र शक्ति भएपछि न प्रहरी लाग्छ, न अदालत ?
बैशाख ५, २०८१ बुधबार
प्रदेश सरकारमा संकट पार्दै वैकल्पिक गठबन्धन निर्माणमा नेकपा एसको प्रयास
बैशाख ४, २०८१ मंगलबार
सत्ता गठबन्धनमा नेकपा एसको काउण्टर अट्याक, के होला उपनिर्वाचनपछि सरकारको अवस्था ?
बैशाख ३, २०८१ सोमबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
सत्ता र शक्ति भएपछि न प्रहरी लाग्छ, न अदालत ?
नेपालबहस संवाददाता
बैशाख ५, २०८१ बुधबार
आइसीसीको टी-२० वरियतामा दिपेन्द्रको छलाङ
नेपालबहस संवाददाता
बैशाख ५, २०८१ बुधबार
हार्दिक पाण्डेयलाई १२ लाख जरीवाना
बैशाख ७, २०८१ शुक्रबार
विलासी जीवन जिउने विद्या बालनले किन मागिन भिख ?
बैशाख ७, २०८१ शुक्रबार
त्रिभुवन विमानस्थलमा जहाज डिले हुँदा यात्रु मर्कामा, एति एयरलाइन्सको काउण्टरमै नाराबाजी
बैशाख ७, २०८१ शुक्रबार
सडक बालबालिकाः पहिचान पाउन अझै पनि कठिन
बैशाख ८, २०८१ शनिबार
भेरी नदी माथि बनेको पुल र आसपासको दृश्य
बैशाख ८, २०८१ शनिबार
हामीलाई कसैले कमजोर ठान्ने देशमा फेरी अर्को उथलपुथल हुन्छ : माधव नेपाल
बैशाख ८, २०८१ शनिबार
सार्वजनिक जग्गा संरक्षणमा लाग्न गृह मन्त्रालयको निर्देशन
बैशाख ८, २०८१ शनिबार
गर्मीमा छिटै तौल घटाउन चाहनुहुन्छ ? दैनिक खाली पेटमा सौंफको पानी पिउनुहोस्
बैशाख ८, २०८१ शनिबार
भारतद्वारा दार्चुला जिल्लामा उच्च प्रभाव सामुदायिक विकास परियोजनाहरुको शिलान्यास
बैशाख ८, २०८१ शनिबार