अपराध स्वीकारे माधवजीलाई पनि एमालेमा स्वागतः ओली

३० चैत, काठमाडाैं । प्रधानमन्त्री केपी ओलीले पार्टी कारबाहीमा परेका नेता माधवकुमार नेपालले सीमा ननाघेसम्म फर्काउने प्रयासमा रहेको बताएका छन् । नेपाल उत्पीडित जातीय समाजद्वारा आज राजधानीमा आयोजना गरिएको एक कार्यक्रमलाई संवोधन गर्दै प्रधानमन्त्री ओलीले भने–माधवजी अझै धेरै बोल्दै हुनुहुन्छ, त्यसको सीमा मैले विचार गरेको छु,तबसम्म सच्चिएर आए नेकपामा बिना पूर्वाग्रह काम गर्न दिइने छ ।

तर गुुटबन्दी गर्ने हो भने ठीक लगाउन पनि जानेको छु भन्दै ओलीले पार्टी हितका लागि काम गर्ने भए आत्मालोचनासहित फर्कन आह्वान गर्दछु । ठीक छ , मान्छेबाट गल्ती हुन्छन्,स्वीकार गरौं र आत्मालोचना गरौं फेरि मिलेर जान सकिन्छ – ओलीले भने ।

तर गुटबन्दी गर्ने र पार्टी तहसनहस पार्न तम्सिने हो भने चाहिं छुट दिइने छैन भन्दै ओलीले अहिले पनि पार्टीबाट निस्काशन नगरेको बताए । गल्ती स्वीकारेर आए काम गर्न दिइनेछ भन्दै उनले एमाले भएर बस्दा अर्काको अजेण्डा बोकेर बस्न चाहिं पाइनेछैन– ओलीले भने ।