सिंगटी हाइड्रोको आईपीओले कति पाउला ओपनिङ्ग रेञ्ज ?

३१ चैत, काठमाडौं । सिंगटी हाइड्रो इनर्जी कम्पनी लिमिटेडको आईपीओको बाँडफाँड सम्पन्न भएको छ । बाँडफाँड पश्चात कम्पनीको दोस्रो बजारमा कारोबार सुरु हुने भएको छ । जसकारण यतिबेला कम्पनीको आईपीओले ओपनिङ्ग रेञ्ज कति पाउँलना भन्ने प्रश्न सबैको चासो बनेको छ ।

त्यसैले, यहि चासोको विषय बनेको सिंगटी हाइड्रो इनर्जी कम्पनी लिमिटेडको ओपनिङ्ग रेञ्जको विषयमा कुरा गर्नेछौँ । नेप्सेले कम्पनीको पहिलो कारोबारका लागि प्रति शेयर न्युनतम १०० रूपैयाँदेखि अधिकतम ३०० रुपैयाँसम्म ओपनिङ रेञ्ज निर्धारण गर्ने सम्भावना रहेको छ । नेप्सेले हरेक कम्पनीको पहिलो कारोबारको लागि नेटवर्थको तीन गुणासम्म ओपनिङ रेञ्ज तोक्ने गर्दछ ।

सिंगटी हाइड्रो इनर्जी कम्पनी प्रतिशेयर नेटवर्थ १०० रूपैयाँ रहेको छ । सोही नेटवर्थको ३ गुणा ३०० रुपैयाँ हुन्छ ।

कम्पनीले चैत्र ६ गते, शुक्रबारदेखि चैत्र १० गते, मंगलबारसम्म प्रतिकित्ता १०० रुपैयाँ अंकित दरमा २९ लाख कित्ता आईपीओ निष्कासन तथा बिक्री खुल्ला गरेको थियो ।

कम्पनीको आईपीओमा १५ लाख ६५ हजार ५ सय ३० जनाको आवेदन परेको थियो । गोलाप्रथाद्वारा गरिएको बाँडफाँडमा २ लाख ६९ हजार ७ सय जना आवेदकले १० कित्ताका दरले शेयर हात पारेका थिए ।