नेपाल पक्षलाई सडकमा पुर्याउने दाउ, सरकार टिकाउन जसपालाई सात मन्त्रालय
कुसुम सेञ्चुरी
चैत ३१, २०७७ मंगलबार १७:४०:४८
३१ चैत, काठमाडौं । प्रधानमन्त्री केपी शर्मा ओलीले गत पुष ५ गते संसद विघटन गरेपनि अहिले सर्वोच्चले संसद पुनःस्थापना गरिदिएको छ । संसद पुनःस्थापनासँगै संसद अधिवेशन सञ्चालन भएपनि सरकारले संसदलाई कुनै पनि विजनेश नदिई दिनहुँ संसद बैठक बस्ने र स्थगित हुने क्रम चलिरहेको छ । जेठ १५ मा बजेट ल्याउनु पर्ने भएकाले सरकारले यो अधिवेशन अन्त्य गरेर बजेट अधिवेशन बोलाउने तयारी समेत गरेको छ ।
तर, राजनीतिक दलमा आएको शक्ति संघर्ष र उत्तारचढावले ‘अर्लि इलेक्सन’ अर्थात तोकिएको समयावधि भन्दा छिटो निर्वाचनको चर्चा चलिरहेको छ । राजनीतिक वातावरण धुमिल हुँदै जाँदा मुलुकमा अर्लि इलेक्सनको वातावरण बन्दै गएको विभिन्न घटनाक्रमले देखाउन थालेको छ ।
प्रधानमन्त्री ओली, नेपाली कांग्रेसका सभापति शेरबहादुर देउवादेखि अन्य राजनीतिक दलले ‘अर्लि इलेक्सन’ मा जोड दिँदै आएपनि नेकपा माओवादी केन्द्र भने मौन रहेको छ । प्रधानमन्त्री ओली कुनै हालतमा अर्लि इलेक्सनमै जाने मुडमा भएपनि उनी आफ्नै कार्यकालमा धेरै भन्दा धेरै विकासे कार्यक्रम उद्घाटन गर्ने र लोकप्रिय बजेट ल्याउने मुडमा छन् ।
आफुले यसअघि गरेको संसद विघटन जायज थियो भन्ने पुष्टि गर्नका लागि भएपनि ओली पाँच वर्ष प्रधानमन्त्री बन्ने भन्दा निर्वाचनमै जोड दिइरहेका भएपनि बजेट अघि उनी निर्वाचन घोषणा गर्ने मुडमा छैनन् । ओलीको चाहना बमोजिमनै कांग्रेस सभापति देउवा र जनता समाजवादी पार्टीका अध्यक्ष महन्थ ठाकुर पनि चुनावमै जान चाहिरहेका छन् ।
माओवादीले समर्थन फिर्ता लिएको अवस्थामा ओली सरकार अल्पमतमा जानेछ । माओवादी केन्द्रले समर्थन फिर्ता लिएपछि प्रतिनिधिसभा विघटनको कोर्समा मुलुक फेरि पनि अगाडी बढ्ने ओली पक्षका नेताहरुको बुझाइ देखिन्छ । निर्वाचनमै आतुर देखिएका देउवा र ठाकुरको भित्री चाहाना पनि त्यतै छ । अहिलेको राजनीतिक कोर्समा नयाँ सरकार नबन्ने र सरकार पनि नचल्ने अवस्था आए अर्ली निर्वाचन बाहेक अर्को विकल्प देखिएको छैन ।
कांग्रेसकै रामचन्द्र पौडेल लगायतका केही नेताले सभापति देउवालाई ओली नेतृत्वको सरकारको विदाई र नयाँ सरकार गठनमा जान चर्को दवाव दिएका छन् । त्यही दवावका बीचमा देउवाले आफ्नो नेतृत्वमा सरकार बनाउन जसपा र माओवादी केन्द्रका शीर्ष नेतालाई आफ्नै निवासमा बोलाएर छलफल गरेपनि जसपाले ओलीतिर आफ्नो मन ढल्काएको छनक दिएको छ ।
ओलीतिर जसपाको मन ढल्केपछि प्रधानमन्त्री ओलीले केही राहतको महशुस गरेका छन् । उनले त्यही अनुसार जसपाका नेता कार्यकर्ता रिहाइका लागि प्रकृया समेत अघि बढाएका छन् । चैत २७ गते पार्टीमा आन्तरिक छलफल गरेर निर्णय दिने भनी निस्केका जसपाका अध्यक्ष ठाकुर र नेता महतोले आइतबार पाँच सदस्यीय पदाधिकारी बैठकमा संसद्को एजेन्डा नबनेसम्म सरकारबारे पार्टीले औपचारिक निर्णय नलिने बताएपछि ओलीतिर जसपाको मन ढल्केको प्रष्ट भएको थियो ।
उपेन्द्र यादव र डा. बाबुराम भट्टराई ओलीको विकल्प खोजेर जानुपर्नेमा उभिएपनि ठाकुर र महत्तोको अडानका कारण कुनै निष्कर्षमा पुग्न सकेनन । माओवादीले सरकारलाई दिएको समर्थन फिर्ता लिनैपर्ने बाध्यता भएपनि नयाँ सरकार बन्ने अवस्था नभएसम्म समर्थन फिर्ता लिन चाहदैन । माओवादी केन्द्रका अध्यक्ष पुष्पकमल दाहाल ‘प्रचण्ड’ले आफुहरुले प्रतिगामी भनेको यो सरकारलाई समर्थन दिन अब नैतिक रुपमा सम्भव नभएको भन्दै केही दिन अघिनै समर्थन फिर्ता लिने घोषणा गरिसकेका थिए । तर, नयाँ सरकार बन्ने सुनिश्चिता अझै देखिएको छैन् ।
माओवादीले समर्थन फिर्ता लिएको अवस्थामा ओली सरकार अल्पमतमा जानेछ । माओवादी केन्द्रले समर्थन फिर्ता लिएपछि प्रतिनिधिसभा विघटनको कोर्समा मुलुक फेरि पनि अगाडी बढ्ने ओली पक्षका नेताहरुको बुझाइ देखिन्छ । निर्वाचनमै आतुर देखिएका देउवा र ठाकुरको भित्री चाहाना पनि त्यतै छ । अहिलेको राजनीतिक कोर्समा नयाँ सरकार नबन्ने र सरकार पनि नचल्ने अवस्था आए अर्ली निर्वाचन बाहेक अर्को विकल्प देखिएको छैन ।
माओवादी केन्द्रले ओली सरकारलाई दिएको समर्थन फिर्ता लिएपछि संविधानको व्यवस्था अनुसार नै प्रधानमन्त्री ओलीले ३० दिनभित्र विश्वासको मत लिनुपर्छ । लिन नसके उनी पदमुक्त हुन्छन् । त्यसपछि हुने प्रधानमन्त्री पनि ओली नै हुन् । किनकी नयाँ सरकार निर्माणका लागि कांग्रेस, माओवादी केन्द्र र जसपा तीन ओटै दल एक हुनुपर्छ । नत्र सबैभन्दा ठूलो दलको नेता ओली नै रहनेछन् ।
त्यो भन्दा अर्काे विकल्पबाट ओलीलाई सरकारबाट हटाउन सक्ने सुविधा एमाले बाहेकका अन्य तीन दलसँग छैन । संविधानको धारा ७६ (२) अन्तर्गत बनेको सरकारले विश्वासको मत प्राप्त गर्न नसके धारा ७६ (३) अनुसार संसदमा सबैभन्दा बढी सदस्य भएको दलको संसदीय दलको नेतालाई राष्ट्रपतिले प्रधानमन्त्री नियुक्त गर्नेछिन् । यो अवस्थामा फेरि ओली नै एमालेका तर्फबाट ठूलो दलको हैसियतमा प्रधानमन्त्री बन्नेछन् । तर यसरी बनेको प्रधानमन्त्रीले फेरि पनि ३० दिनभित्र विश्वासको मत लिनुपर्छ । त्यतिबेला पनि विश्वासको मत लिन असफल भए र अर्को प्रधानमन्त्री नियुक्ति हुने अवस्था नभए प्रतिनिधिसभा संविधानतः विघटन गर्न सकिने संवैधानिक प्रावधान छ । ओलीले चाहेको पनि यही हो ।
राजनीतिक स्थिरताका लागि अर्ली निर्वाचन भन्दै ओलीले धेरै पटक भनिसकेको अवस्थामा नयाँ सरकार पनि बन्न नसक्दा त्यसको विकल्प नभएको कतिपय राजनीतिक विश्लेषकहरुको दावी छ । जसपाललाई कम्तीमा सात मन्त्रालय दिएर सरकारमा सहभागी गराउने ओलीको योजना रहेको छ । त्यसअघि जसपाले राखेका माग सम्बोधन गर्न गृहमन्त्रालयले प्रकृया नै अघि बढाइसकेको छ ।
एमालेभित्र विवाद बढिरहेका बेला माधव नेपाल समूहलाई ठिक लगाउने पनि ओली चाडै नै निर्वाचन गराउन चाहन्छन् । सोमबार मात्रै ओलीले माधव नेपाल समूहमाथि प्रहार गर्दै वामपन्थी सरकार ढाल्ने प्रयास भइरहेको भन्दै प्रधानमन्त्री ओलीले छद्मभेषी, वामपन्थी विरोधी, कम्युनिष्ट विरोधी, प्रगतीविरोधी तत्वहरुको खेललाई अगाडि जान नदिने बताएका थिए ।
उनले भनेका थिए, ‘एकेडेमीको डबलीमा जो भेट्यो त्यही । ए भाइ ! मन्त्री, प्रधानमन्त्री भइदेउन होऔं । शेरबहादुरजीलाई भेट्यो– दाइ प्रधानमन्त्री भइदिनुपर्याे । महन्थ जीलाई भेट्यो–ए दाइ ! प्रधानमन्त्री भइदिनु पर्याे । किनभन्दा कम्युनिष्ट सरकार ढाल्नु पर्याे क्या । त्यसकारण शेरबहादुर भइदिनु पर्याे । यो देशलाई अगाडि बढाउन शेरबहादुरजी प्रधानमन्त्री बन्दिनुपर्याे । कम्युनिष्ट आन्दोलनलाई बचाउनका लागि । कम्युनिष्ट आन्दोलनको एकता बचाउन । यस्ता नक्कली कुरा गर्ने तत्वहरु अहिले पनि छन् । सलबलाइरहेका छन् । यी चुनौती अहिले पनि छन् ।
तर तपाईंहरु ढुक्क रहनुहोस् यस्ता छद्मभेषी, वामपन्थी विरोधी, कम्युनिष्ट विरोधी, प्रगतीविरोधी, अग्रगामी आन्दोलन विरोधी, राष्ट्रियता, लोकतन्त्र विरोधी तत्वलाई सफलता साथ अगाडि जान दिइने छैन । यिनका गलत र अपराधिक उद्देश्य सफल हुन सक्ने छैन,’ उनले भनेका थिए । यसको अर्थ ‘अर्ली निर्वाचन’ भए नेपाल पक्षलाई बाहिर राखेर निर्वाचन लड्ने र नेपाल पक्षलाई संसदबाट सडकमा पुर्याउने योजना समेत रहेको छ ।
कुसुम सेञ्चुरी
नेपालबहस डटकमकी समाचार सम्पादक/ समाचार प्रमुख कुसुम सेञ्चुरी राजनीति तथा समसामयिक विषयवस्तुमा कलम चलाउँछिन् । फुलवारी एफएमदेखि रेडियो पत्रकारिता शूरु गरेकी कुसुमले रासस, रेडियो अन्नपूर्ण र देशान्तर एफएममा पनि काम गरेकी छन् । केही समय उनले नाइस टीभीमा समाचार प्रस्तोताको रुपमा पनि कुशलतापूर्वक जिम्मेवारी निभाएकी छन् ।
लेखकबाट थपसत्ता र शक्ति भएपछि न प्रहरी लाग्छ, न अदालत ?
बैशाख ५, २०८१ बुधबार
प्रदेश सरकारमा संकट पार्दै वैकल्पिक गठबन्धन निर्माणमा नेकपा एसको प्रयास
बैशाख ४, २०८१ मंगलबार
सत्ता गठबन्धनमा नेकपा एसको काउण्टर अट्याक, के होला उपनिर्वाचनपछि सरकारको अवस्था ?
बैशाख ३, २०८१ सोमबार
निर्माण व्यवसायी संघको अध्यक्षमा भीष्म अधिकारीको दावेदारी
नेपालबहस संवाददाता
बैशाख ४, २०८१ मंगलबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
अभिनेत्री शिल्पाका पति कुन्द्राको ९८ करोड सम्पति जफत
बैशाख ६, २०८१ बिहिबार
प्रदेश प्रमुखबाट संविधान मिच्ने काम भयोः कांग्रेस
बैशाख ६, २०८१ बिहिबार
भारतमा २१ राज्यका १०२ निर्वाचन क्षेत्रमा आज मतदान
बैशाख ७, २०८१ शुक्रबार
प्रिमियर कपको पहिलो समिफाइनलमा नेपाल र युएई भिड्दै
बैशाख ७, २०८१ शुक्रबार
सिन्धुपाल्चोकमा जन्ती सवार बस दुर्घटना हुँदा ३ जनाको मृत्यु, ५२ घाइते
बैशाख ७, २०८१ शुक्रबार
‘कोर्स करेक्सन’का लागि अब कांग्रेस–एमाले गठबन्धन, देशले कहिलेसम्म अस्थिर दाहाललाई झेल्ने ?
बैशाख ७, २०८१ शुक्रबार
सांसद खड्काले हड्पेको स्काउटको जग्गामा सिलबन्दी
बैशाख ६, २०८१ बिहिबार