बूढानीलकण्ठबाट नक्कली बैना कागज बनाएर ५० लाख ठगी गर्ने पक्राउ

३१ चैत, काठमाडौं । काठमाडौंबाट प्रहरीले नक्कली बैना कागज बनाएर ५० लाख ठगी गरेको आरोपमा एक जनालाई पक्राउ गरेको छ । प्रहरीले बूढानीलकण्ठ नगरपालिका–५ घर भएका ४५ वर्षीय सकुल शाही ठकुरीलाई शनिबार दिउँसो काठमाडौंको स्वयम्भूबाट प्रहरीले पक्राउ गरेको हो ।

ठकुरीले नागार्जुन नगरपालिका–६ मा रहेको जग्गा बैना गरेको भनी प्रतिआना १८ लाख रुपैयाँ कायम गरी नक्कली बैना कागज बनाएर पीडितको ५० लाख रुपैयाँ ठगी गरेको आरोप छ । उनलाई आवश्यक कारबाहीको लागि महानगरीय प्रहरी परिसर टेकु पठाइएको प्रहरीले जनाएको छ ।