बुद्धकाे नयाँ वर्ष अफर, कहाँ जान कति भाडा ?
नेपालबहस संवाददाता
बैशाख १, २०७८ बुधबार १३:२०:९
१ वैशाख, काठमाडौं । कोभिड–१९ महामारीको सम्भावित जोखिम नियन्त्रणका लागि निजी क्षेत्रको अग्रणी हवाई सेवा प्रदायक कम्पनी बुद्ध एयरले सङ्क्रमणरहित उडानका लागि सुरक्षा निर्देशिका कडाइका साथ पालना गर्ने प्रतिबद्धता जनाएको छ ।
कोभिड महामारीको जोखिम बढेपछि एयरलाइन्सले आज विज्ञप्ति जारी गर्दै उडान सेवामा स्वास्थ्य सुरक्षा सतकर्ता अपनाउँदै कोभिडविरुद्धका सुरक्षा निर्देशिका प्रभावकारी कार्यान्वयन गर्ने जनाएको हो । अहिलेको संवेदनशील अवस्थामा सुरक्षित उपाय भनेकै मास्क, स्यानीटाइजरको प्रयोग तथा सामाजिक दूरी हो भन्दै कम्पनीले यसको पालना अझै केही वर्षसम्म गर्नुपर्ने देखिएकाले सजकता अपनाउन सरोकारवालालाई आग्रह पनि गरेको छ ।
आन्तरिक वायुसेवालाई सङ्क्रमणरहित बनाउन बुद्ध एयरले शुरुआतमै कोभिडविरुद्धका ‘सुरक्षा निर्देशिका’ बनाइ यसका सम्पूर्ण कर्मचारीलाई सुरक्षा तालीम, जनजागरण तथा पिपिई प्रदान गरेको र हालका दिनमा पनि जारी राखेको कम्पनीले जनाएको छ ।
बुद्ध एयरका बजार निर्देशक रुपेश जोशीले सङ्क्रमणरहित हवाई यात्राको लागि कम्पनी प्रतिबद्ध रहेको बताए । उनले भने, “सङ्क्रमणरहित उडानका लागि कम्पनी प्रतिबद्ध छ, यसका लागि हरेक यात्रुको कोभिडसँग मिल्दोजुल्दो लक्षण पहिचान, तापक्रम चेकजाँच, ह्याण्ड सेनिटाइजको प्रयोग अनिवार्य बनाएको छौं ।” हरेक उडानको यात्रु डेटावेश कम्प्युटरकृत गरिएको र सरोकारवाला निकायले मागेको खण्डमा कम्पनीले तत्कालै उपलब्ध गराउने र यसले करोना रोकथाममा सहयोग पुग्ने निर्देशक जोशीको विश्वास छ ।
एयरलाइन्सका सबैजसो कर्मचारीले करोनाविरुद्धको पहिलो खोप लगाइसकेका छन् । अब दोस्रो डोज वैशाख १० गतेभित्र लिइसक्ने विज्ञप्तिमा जनाएको छ । बुद्ध एयर पूर्ण सुरक्षित रहेको, यात्रुहरू सुरक्षित उपाय अपनाइ ढुक्क भएर यात्रा गर्नसक्नेछन् भनिएको छ । हवाई उडान पुनः शुरु भएपछि अर्थतन्त्र पनि चलायमान भएको र स–साना पसलदेखि ठूलाठूला होटल, पर्यटकीय यातायात तथा गतिविधि सञ्चालन भएको कम्पनीले उल्लेख गरेको छ ।
अहिले पुनः ठूलो जनशक्तिले रोजगार पाइरहेकाले उडान सहज सरल र सङ्क्रमणरहित बनाउन यात्रुको पनि उत्तिकै भूमिका रहेको हुँदा निर्देशिका पालना गर्न बुद्ध एयरले अनुरोध गरेको छ ।
नयाँ वर्ष अफर
निजी क्षेत्रको अग्रणी हवाई संस्था यती एअरलाइन्सले नयाँ वर्षमा विशेष अफर सार्वजनिक गरेको छ । यती एअरलाइन्सले आफ्नो एरअलाइन्सको मोबाइल एप्सबाट टिकट खरीद गर्दा प्रोमो कोर्डको प्रयोगमार्फत सस्तो मूल्यमा हवाई टिकटको व्यवस्था मिलाएको छ ।
एअरलाइन्सका प्रवक्ता एवं हवाई सुरक्षा प्रमुख सुदर्शन बर्तौलाले नयाँ वर्षको शुभकामनासहित यात्रुका लागि यो सुविधासहितको अफर सार्वजनिक गरेको जानकारी दिनुभयो । उक्त अफर तीन दिनका लागि खुला गरिएको प्रवक्ता बर्तौलाको भनाइ छ ।
कहाँ जान कति भाडा
नयाँ अफरसँगै यात्रुले एकतर्फी रुपमा काठमाडौं–पोखरा रु एक हजार ५७८, काठमाडौं–भैरहवा रु एक हजार ६७८, काठमाडौं–विराटनगर रु दुई हजार ७८, काठमाडौं–भद्रपुर रु दुई हजार ३७८ र काठमाडौँ–नेपालगञ्ज दुई हजार ९७८ हवाई भाडा तिरे पुग्छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपधार्मिक पर्यटकीय गन्तव्य बन्दै देवचुली डाँडा
बैशाख १२, २०८१ बुधबार
बन्दीपुरको सौन्दर्यता र मौलिकता कायम राख्न व्यवसायीलाई आग्रह
बैशाख ११, २०८१ मंगलबार
मनाङमा एक वर्षमा २१ हजार पर्यटकको आगमन
बैशाख १०, २०८१ सोमबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
इलाम उपनिर्वाचनमा कांग्रेस
बैशाख १२, २०८१ बुधबार
डढेलोले पाइप जल्यो, खानेपानीको समस्या
बैशाख १३, २०८१ बिहिबार
सडकको लम्बाई बढाएर ३८ लाख भ्रष्टाचार गरेको आरोपमा शाहीसहित ९ जनाविरुद्ध मुद्दा दायर
बैशाख १३, २०८१ बिहिबार
सडकमा पल्टिएको जीप
बैशाख १३, २०८१ बिहिबार
रुसद्वारा पोल्याण्डका नेटो आणविक केन्द्रहरू सैन्य लक्ष्य बन्न सक्ने चेतावनी
बैशाख १३, २०८१ बिहिबार