राष्ट्रका नाममा प्रधानमन्त्री ओलीकाे सम्बोधन: वर्ष २०७७ निरर्थक भएन !

१ वैशाख, काठमाडौं । प्रधानमन्त्री केपी ओलीले राष्ट्रका नाममा सम्बोधन गरेका छन् । प्रधानमन्त्री तथा मन्त्रिपरिषद् कार्यालय सिंहदरबारबाट प्रधानमन्त्री ओलीले आज बिहान ८ बजेदेखि राष्ट्रका नाममा सम्बोधन गरेका हुन् । प्रधानमन्त्री ओलीले हरेक नयाँ वर्षको पहिलो दिन राष्ट्रका नाममा सम्बोधन गर्दै आइरहेका छन् ।

सम्बोधनमा ओलीले कोभिड–१९ को महामारीबीच वर्ष २०७७ मा विकास निर्माणका काममा थप सफलता हासिल गराएर सरकारले उक्त वर्ष निरर्थक हुन नदिएको बताएका छन् ।

नयाँ वर्ष २०७८ को पहिलो दिन आज सिंहदरबारस्थित प्रधानमन्त्री तथा मन्त्रिपरिषद्को पुनःनिर्मित कार्यालयबाट राष्ट्रका नाममा सम्बोधन गर्दै प्रधानमन्त्री ओलीले काठमाडौंबासीको दसकौँदेखिको सपना पूरा गरिएको र नयाँ नयाँ विकासका कामहरु पूरा गरिएको र त्यो क्रम जारी रहेको बताएका हुन् ।

यस्तै नयाँ नक्सा जारी गरेर बहादुरीको इतिहास सम्झिएको र पुर्खाहरुको सम्मान गरिएको प्रधानमन्त्रीको भनाई छ।  सरकारले नयाँ काम गरेको नयाँ कार्यहरुलाई आगामी दिनमा अझ तिव्रता दिने बताए । यस्तै किसानका लागि मेरो कित्ता कार्यक्रम संचालन गरिने ।हल्लापछि नालाग्न र आशाबादी भएर अघि बढन आग्रह गरे ।  राष्ट्रिय हितमा सरकारले उल्लेख्य काम गरेको ओलीको दावी छ ।

सम्बोधन क्रममा उनले वर्ष २०७७ मा विभिन्न क्षेत्रमा भएका उपलब्धि र चुनौतीबारे पनि उल्लेख गरेका छन् । प्रधानमन्त्री ओलीले सिंहदरस्थित प्रधानमन्त्री कार्यालयबाट देश तथा विदेशमा रहेका सम्पूर्ण नेपालीहरुको सुख, शान्ति र समृद्धिको काम गरे । उनले कोभिड–१९ को महामारीका अवसरमा सबैलाई सुरक्षित रहन आग्रह गर्दै नागरिकको जीवनरक्षा पहिलो भएको हुनाले जनताको जीवन बचाउनेतर्फ पहिलो ध्यान दिने बताए ।