राष्ट्रिय घटना दर्ता अभियान आजबाट सुरु

१ बैशाख, काठमाडौँ । आजदेखि ‘राष्ट्रिय घटना दर्ता अभियान’ २०७८ सुरु भएको छ । व्यक्तिगत घटना दर्ता जन्म–मृत्यु लाई शतप्रतिशत पु-याउने लक्ष्यअनुरूप  अभियान सुरु गरिएको हो।

आजबाट सुरु भइ बैशाख १६ गते सम्म चल्ने १६ दिने घटना दर्ता अभियानअन्तर्गत देशभरिकापालिकाको स्थानीय वडा कार्यालय र अस्थायी शिविरबाट व्यक्तिगत घटना दर्ताको व्यवस्था गरिएको छ ।

अभियानमा विशेष गरी नयाँ तथा पुराना, छुट हुन गएका जन्म, मृत्यु, विवाह, सम्बन्ध विच्छेद र बसाइँसराइ गरी पाँच किसिमका व्यक्तिगत घटना दर्ता गर्न सकिने बताइएको छ ।  सरकारले हरेक बर्ष वैशाख १ गतेलाई घटना दर्ता दिवसका रूपमा मनाउँदै आएको छ ।