नयाँ बर्षकोआगमनसँगै सिन्धुपाल्चोकमा पर्यटकको चहल पहल

१ बैशाख, काठमाडौं ।  पटक- पटक बाढि पहिरो भुकम्प जस्तो प्रकृति जन्य बिपतमा परिरहने सिन्धुपाल्चोकमा नयाँ बर्ष २०७८ को आगमनसँगै पर्यटकहरुको चहल पहल बढेको छ । नयाँ बर्षको आगमनसँगै पर्यटकहरु आउन लागेपछि सिन्धुपाल्चोकको सुकुटे देखि तातोपानी सम्मका पर्यटकीय केन्द्रहरु बिस्तारै लयमा फर्किएका छन ।

नयाँ बर्ष २०७८ को स्वागतका लागि मंगलबार मात्र बिभिन्न स्थानमा गरी करीब १० हजार पर्यटकहरु सिन्धुपाल्चोकमा आएको पर्यटक ब्यासायीहरुले बताएका छन् । काठमाडौं बाट नजिक रहेको सिन्धुपाल्चोकमा सबै भन्दा धेरै पर्यटकहरु राफ्टिङका लागी आउने गरेका छन ।

राफ्टिङ, बन्जि जम्प र तातोपानी स्नान गरेर एकै दिन घर फर्कन सकिने भएकाले मानिसहरुको यी केन्द्रमा चाप बढेको हो । समय भएका पर्यटकहरु नयाँ बर्षको अवसर पारेर जुगल हिमाल आरोहण तथा भैरवकुण्ड र पाँचपोखरी जस्ता अन्तराष्ट्रिय पर्यटकिय गन्तव्यको रुपमा सुचिकृत स्थानको भ्रमणका लागि पनि पर्यटक आउने गर्दछन् ।