आईपीएलः आज आरसीबी र हैदराबादको म्याच, यस्तो छ दुवैको सम्भावित–११

१ बैशाख, काठमाडौं । १४औँ सिजनको आईपीएलको छैटौँ म्याच आज रोयल च्यालेन्जर्स बैंग्लोर (आरसीबी) र सनराइजर्स हैदराबाद खेल्दै छन् ।

यी दुई टिमबीचको खेल नेपाली समयअनुसार साँझ ७ः४५ बजेदेखि चेन्नईमा सुरू हुनेछ यी दुई टिमबीचको पछिल्ला पाँच खेलमा हैदराबाद हाबी देखिन्छ । पाँच खेलमा हैदराबादले आरसीबीलाई तीन म्याचमा हराएको छ ।

यी दुवै टिम गत सिजनमा ‘प्लेअफ’मा पुगेका थिए । हालसम्म हैदराबादले एक पटक आईपीएल उपाधि जितेको छ । आरसीबीले भने तीन पटक फाइनलमा स्थान बनाए पनि ट्रफी हात पार्न सकेको छैन ।

आरसीबीको सम्भावित प्लेइङ–११  विराट कोहली (कप्तान), देवदत्त पाडिक्कल, रजत पाटीदार, ग्लेन म्याक्सवेल, एबी डिभिलियर्स (विकेटकीपर), डानियल क्रिश्चियन, वाशिङ्टन सुन्दर, काइल जेमिसन, हर्षल पटेल, मोहम्मद सिराज र युजवेन्द्र चहल ।

हैदराबादको सम्भावित प्लेइङ-११ डेविड वार्नर (कप्तान), ऋद्धिमान साह (विकेटकीपर), मनीष पाण्डे, जोनी बेयरिस्टो, विजय शंकर, मोहम्मद नाबीरजेसन होल्डर, अब्दुल समद, राशिद खान, भुवनेश्वर कुमार, सन्दीप शर्मा र टी नटराजन ।