कैलालीका संक्रमित पुरुषको भेरी अस्पतालमा मृत्यु

१ वैशाख, काठमाडौं । कैलालीका काेराेना संक्रमित पुरुषको बाँकेको नेपालगञ्जस्थित भेरी अस्पतालमा मृत्यु भएको छ । उपचारका क्रममा  कैलालीको लम्कीचुहा नगरपालिका-१ का ३७ वर्षीय पुरुषको मंगलबार राति ९:५० बजे मृत्यु भएको हो ।

स्वास्थ्यमा समस्या आएपछि चैत ३० गते पीसीआर परीक्षण गरिएकोमा सोही दिन उनको रिपोर्ट पोजेटिभ आएको थियो । कोरोना संक्रमण पुष्टि भएसँगै भेरी अस्पतालको कोभिड विशेष वार्डमा भर्ना गरिएको थियाे ।

योसँगै बाँकेमा बाहिरी जिल्लाबाट उपचारका लागि आएका ९२ जनाको कोरोना संक्रमणका कारण मृत्यु भएको छ ।