कांग्रेस र कम्युनिष्टको वैकल्पिक धार निर्माण गर्नु नै सुर्यबहादुर प्रती सच्चा श्रद्धाञ्जली : राप्रपा अध्यक्ष थापा

२ बैशाख, काठमाडौं । राप्रपा अध्यक्ष कमल थापाले कांग्रेस र कम्युनिष्टको वैकल्पिक धार निर्माण गर्नु नै सुर्यबहादुर थापा प्रती सच्चा श्रद्धाञ्जली हुने बताएका छन् ।

पुर्व प्रधानमन्त्री एवं राप्रपाका संस्थापक अध्यक्ष सुर्य बहादुर थापाको स्मृति दिवसको अवसरमा राप्रपालाई बलियो शक्ति बनाउन सकेमात्र थापा प्रती सच्चा श्रद्धाञ्जली हुने बताएका हुन् ।

राप्रपा सुर्य बहादुर थापाको ‘लिगेसी’ भन्दै थापाले कांग्रेस र कम्युनिष्टको विकल्पको रुपमा बलियो राष्ट्रवादी प्रजातान्त्रिक शक्ति निर्माण गर्न सुर्यबहादुर थापाको चाहना भएको समेत बताएका छन् ।

कमल थापाले भनेका छन्ः “राप्रपाका संस्थापक अध्यक्ष, पुर्वप्रधानमन्त्री तथा नेपाली राजनीतिका शिखर व्यक्तित्व सूर्यबहादुर थापाको निधन भएको आज ५ बर्ष पुरा भयो।स्व।थापाको दिवंगत आत्माको चीरशान्तिको कामना गर्दै सादर श्रद्धांजली व्यक्त गर्दछु।”

राप्रपा स्व.सूर्यबहादुर थापाको ‘लिगेसी’ हो । ” उहॅा कांग्रेस र कम्युनिष्टको विकल्पमा एउटा बलियो शक्ति निर्माण गर्न चाहनु हुन्थ्यो । त्यसर्थ, आजको दिनमा राप्रपालाई बलियो राष्ट्रवादी प्रजातान्त्रिक शक्ति बनाउने संकल्प पुरा गरौं, त्यही नै स्व. थापाप्रति सच्चा श्रद्धाञ्जली हुनेछ ।”