पाँच कम्पनीको शेयर मूल्यमा सकारात्मक सर्किट, प्रतिकित्ता मूल्य कति ?

२ चैत, काठमाडौं । बजार बढेसँगै बिहीवार पाँच वटा कम्पनीको शेयर मूल्यमा सर्किट लागेको छ । सबैभन्दा बढी एनआईसी एशिया लघुवित्त वित्तीय संस्थाको शेयर मूल्य ९ दशमलव ९५ प्रतिशतले वृद्धि भएको हो ।

यो समाचार तयार पार्दाको समय १२:१५ बजेसम्मको अवधिमा ज्योति लाईफ इन्स्योरेन्स कम्पनीको शेयर मूल्य ९ दशमलव ९२ प्रतिशत,ग्रीन डेभलपमेण्ट बैंकको ९ दशमलव ६८ प्रतिशत, छ्याङदी हाइड्रोपावरको ९ दशमलव ६७ प्रतिशत र कर्णाली डेभलपमेण्ट बैंकको शेयर मूल्य ९ दशमलव १४ प्रतिशतका दरले वृद्धि भएको हो।

बजार बढेसँगै यी कम्पनीको शेयरमा विक्रेताभन्दा क्रेता धेरै भएकाले शेयर मूल्यमा सर्वाधिक वृद्धि भएको हो । एनआईसी एशिया लघुवित्तको शेयर मूल्य प्रतिकित्ता रू १ हजार ८६८, ज्योति लाइफको रू ५६५, ग्रीन डेभलपमेण्ट बैंकको रू २०४,छ्याङदी हाइड्रोपावरको रू २९५ र कर्णाली डेभलपमेण्ट बैंकको शेयर मूल्य प्रतिकित्ता रू २१५ पुगेको हो ।