उपत्यकामा बिहीबार राति भीषण हावाहरी, बिजुली चम्कियाे परेन पानी

३ वैशाख, काठमाडौं । काठमाडौं उपत्यकामा बिहीबार राति भीषण हावाहरी चलेको जल तथा मौसम पूर्वानुमान महाशाखाले जनाएको छ । हिजो राति करिव ९ बजेपछि हावाहुरी चलेको थियो ।

हावाहुरी चलेपछि उपत्यकाका अधिकांश ठाउँमा विद्युत सेवा अवरुद्ध भएको थियो । हावाहुरी सँगै आकाशमा बिजुली चम्किए पनि वर्षा भने नभएको महाशाखाले जनाएको छ । हावाहुरी चल्न थालेपछि सडकमा सवारीसाधन कम चलेका थिए ।

यता, नेपाल विद्युत प्राधिकरणले हावाहुरीसँगै राजधानीका अधिकांश स्थानमा विद्युत अवरुद्ध भएको जनाएको हो । हावाहुरीले सम्भावित क्षति नहोस् भनेर विद्युत सेवा बन्द गरिएको प्राधिकरणले जनाएको छ ।

महाशाखाले बिहीबार राति नै देशको दक्षिण पश्चिमबाट मेघगर्जन र चट्याङसहित वर्षा गराउने बादल विकसित भइरहेको र उक्त प्रणाली उत्तर पूर्वतिर सर्ने क्रममा रहेको जनाउँदै सर्तक रहन अनुरोध गरेको थियो ।

महाशाखाले हाल देशमा स्थानीय वायुको साथै पश्चिमी न्युन चापीय रेखाको समेत प्रभाव रहेको जनाएको छ। देशका पहाडी भू(भागका एक दुई स्थानमा मेघगर्जनरचट्टयाङ्गसहित क्षणिकरहल्का वर्षाको सम्भावना रहेको महाशाखाले जनाएको छ।