रुरु जलविद्युतको आईपीओ ३७ हजार ९१६ जनाले पाए दश कित्ता

३ बैशाख, काठमाडौं । रुरु जलविद्युत् परियोजनाको आइपीओ बाँडफाँट भएको छ । शुक्रबार विहान साढे ८ बजे शेयर निष्कासन तथा विक्री प्रबन्धक एनएमबि क्यापिटलले नागपोखरीमा रहेको कार्यालयना बाँडफाँट गरेको हो ।

कम्पनीको आइपीओमा १६ लाख ६९ हजार ५६६ जना आवेदकले २ करोड ३३ लाख ७७ हजार २२० कित्ताका लागि आवेदन दिएकाछिए । जसमध्ये करिब ७८ हजारको आवेदन रद्द भएको थियो ।

रितपूर्वक आवेदन दिने १५ लाख ९० हजार ८९६ जनाको मात्रै आवेदनमध्ये ३७ हजार ९१६ आवेदकले आईपीओ प्राप्त गरेका छन् । कम्पनीले २० रुपैयाँ प्रिमियम थप गरी प्रतिकित्ता १२० रुपैयाँका दरले आइपीओ निष्कासन गरेको थियो ।

कम्पनीले ४ लाख ७ हजार ७०६ कित्ता सेयरमध्ये २ प्रतिशत अर्थात् ८ हजार १५४ कित्ता शेयर कर्मचारीलाई र ५ प्रतिशत अर्थात् २० हजार ३५८ कित्ता सेयर सामूहिक लगानीकोषलाई सुरक्षित गरी बाँकी रहेको ३ लाख ६९ हजार १६७ कित्ता सेयर सर्वसाधारणका लागि निष्कासन गरेको थियो ।

कम्पनीको आर्थिक वर्ष २०७७/७८ मा ७ करोड ७० लाख ६० हजार रुपैयाँ आम्दानी हुने प्रक्षेपण छ । जबकी कम्पनीले आव २०७६/७७ मा ६ करोड १४ लाख ४७ हजार रुपैयाँ आम्दानी गरेको थियो ।

कम्पनीले प्रतिमेगावाट १४ करोड ८९ लाख ४ हजार ३८२ खर्च गरेको छ ।