हार्दिक पाण्ड्या ‘ए’ ग्रेडका खेलाडीमा परे, अन्यको स्थान कहाँ ?

३ चैत, काठमाडौं । भारतीय क्रिकेट कन्ट्रोल बोर्ड (बीसीसीआई)ले भारतीय टीमका खेलाडीहरूको लागि केन्द्रीय अनुबन्धको ग्रेड घोषणा गरेको छ।

बीसीसीआईले २८ खेलाडीलाई समावेश गर्दै अक्टुबर २०२० देखि २०२१ के सेप्टेम्बरसम्म लागू हुने गरी केन्द्रीय अनुबन्धको ग्रेड घोषणा गरेको हो।

बीसीसीआईले २८ खेलाडीलाई चार वर्गीकरणमा विभाजन गरेको छ। वर्गीकरणअनुसार खेलाडीले फरक–फरक पारिश्रमिक पाउने छन्।

बीसीसीआईले ग्रेड ‘ए प्लस’ मा तीन खेलाडी राखेको छ। ग्रेड ‘ए’मा दश खेलाडीहरू छन्। ग्रेड ‘बी’मा पाँच र ग्रेड ‘सी’मा दश खेलाडीहरू रहेका छन्।

हार्दिक पाण्ड्यालाई ग्रेड ‘ए’मा समावेश गरिएको छ। यसअघि उनी ग्रेड ‘बी’ मा थिए। ग्रेड ‘ए’मा परेका खेलाडीहरूले वार्षिक ५ करोड रूपैयाँ पाउँछन्।