पारसले त्रिकोणात्मक सिरिज नखेल्ने

३ वैशाख, काठमाडाैं ।  नेपाली क्रिकेट टिमका अलराउण्डर पारस खड्काको कुममा चोट लागेको छ । चोटका कारण पारसले शनिबार शुरु हुने त्रिकोणात्मक सिरिज गुमाउने भएका छन् ।

नेपाल, नेदरल्याण्ड्स र मलेसियाको यो सिरिज भोलि शनिबारदेखि त्रिवि क्रिकेट मैदान, कीर्तिपुरमा शुरु हुनेछ । तर कुममा लागेको चोटका कारण उनले सिरिज नखेल्ने भएका छन् ।

उनले फिल्डिङ गर्ने क्रममा काँधको चोट बोकेका थिए । डाक्टरले उनलाई करिब ३ हप्ता आराम गर्ने सल्लाह दिएका छन् ।