धेरै दिनपछि प्रचण्डलाई ओलीकाे फोन

३ वैशाख, काठमाडाैं । प्रधानमन्त्री केपी ओलीको बहिर्गमनका लागि कस्सिएर लागेको देखिने नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ व्यावहारमा भने अलि उदार नै देखिने गरेका छन् ।

त्यो उदारता उनले प्रधानमन्त्री ओली सरकारप्रतिको समर्थन कायम राखेर मात्र नभई बेला बेला हुने गरेको सम्बादले समेत पुष्टी गरेका छन् । आजै मात्र प्रचण्डले एउटा कार्यक्रममा भने– धेरै दिनपछि आज ओलीजीले मलाई फोन गर्नु भएको छ । मैले पनि यहाँको विकास निर्माणका सन्दर्भमा कुरा उठाएँ ।

ललितपुरको कोञ्जोसोम गाउँपालिका भवनको आज उद्घाटन कार्यक्रमलाई संवोधन गर्दै प्रचण्डले यस्तो खुलासा गरेका हुन् । उनले भने– कुराकानीका क्रममा मैले यहाँ आउने बाटो बनाउन आग्रह गरेको छु । ओलीप्रतिको यो मोह के का लागि भनेर धेरै कोणबाट प्रश्न उठिरहेका बेला फेरि फोन प्रकरण सार्वजनिक भएको हो ।