भारतकाे उत्तर प्रदेश पूर्ण रुपमा बन्द, मास्क नलगाउनेलाई १ हजार जरिवाना

३ वैशाख, एजेन्सी ।  युपीको उत्तर प्रदेश सरकारले आइतबारदेखि लकडाउन गर्ने घोषणा गरेको छ । कोरोना संक्रमण बढ्न थालेपछि राज्‍य सरकारले अत्यावश्‍यक सेवा बाहेकका सवारी आवागमनमा रोक लगाउने निर्णय गरेको हो ।

भारतीय सञ्‍चारमाध्‍यमका अनुसार सरकारले बजार र पसल बन्द गराउने जनाएको छन् । यस्तै उत्तर प्रदेश पूर्ण रुपमा बन्द गर्नुका साथै मास्क नलगाइ हिड्‍नेलाई पहिलो पटक १ हजार रुपैयाँ जरिवाना गर्ने र त्‍यसपछि फेरि समातिएमा १० हजार जरिवाना तिर्नु पर्ने बताइएको छ ।

यूपी सरकारले बिहीबार १५ मार्चसम्‍म सबै स्कुल बन्‍द गर्ने घोषणा गरेको थियो । साथै राज्‍यको बोर्ड परीक्षा पनि रद्द भएको थियो ।