प्रचण्डका हली-गोठाला एवम् खलपात्रहरूको महापतन : सूर्य थापा

४ वैशाख, काठमाडौं ।  प्रधानमन्त्री केपी ओलीका प्रेस सल्लाहकार सूर्य थापाले कर्णाली प्रदेश सभामा पार्टीको ह्विपविपरीत फ्लोर क्रस गरी माओवादी केन्द्रका मुख्यमन्त्री महेन्द्रबहादुर शाहीलाई विश्वासको मत दिने सांसदलाई प्रचण्डका ‘हली–गोठालाको संज्ञा दिएका छन्।

कर्णाली घटनाप्रति आक्रोश पोख्दै प्रेस सल्लाहाकार थापाले लेखेका छन्, प्रकाश ज्वाला, अमरबहादुर थापा, कुर्मराज शाही, नन्दसिंह बुढा र देवी ओली- यी पाँचकाे अपराध अक्ष्यम्य छ।आर्थिक प्रलोभन वा राजनीतिक बिक्रीबट्टा यो कुन कोटीको गोटी बनेको दृष्टान्त हो ?

यस तहको  गद्दारी किमार्थ मान्य हुन सक्दैन। प्रचण्डका हली-गोठाला बनेर यो तहको घात गर्ने ? “यस्तै उनले २०५३ सालमा जाजरकोटका दीपकजंग शाह र हुम्लाका चक्रबहादुर शाही अनुपस्थित भएर देउवा सरकार ढालेका थिए ।

वैशाख ३ गते कर्णाली प्रदेशमा प्रकाश ज्वाला,अमर थापा,नन्द बुढा र कुर्मराज शाहीले शाह र चक्रलाई पछ्याउँदै फ्लोरक्रस गरे, महेन्द्र शाहीका रक्षक बने र खलपात्रहरूको महापतन नै भयो” थापाले लेखेका छन् ।