ओलीको दुई दाऊः जसपालाई अल्मल्याउने, अली इलेक्सनमा जाने
नेपालबहस संवाददाता
बैशाख ५, २०७८ आइतबार १५:३७:४३
५ वैशाख, काठमाडौं । पार्टीभित्र प्रवेश निषेध गरेको माधवकुमार नेपाल पक्षले कर्णाली प्रदेश सरकार जोगाउन फ्लोर क्रस गरेपछि प्रधानमन्त्री केपी ओली पक्षले उनीहरुलाई पार्टीबाट निष्काषण गरेर सांसद पद खाली गर्ने तयारीमा लागेका छन् । एमालेका चार सांसदलाई हटाएर रिक्त रहेको स्थानमा उपनिर्वाचन गराउने तयारी लागेका हुन् । तत्काल संघीय निर्वाचन गराउने प्रयासमा रहेका ओली त्यो संभव नभए उपनिर्वाचन गराएर आफ्नो पक्षमा जनमत रहेको सिद्ध गर्ने योजनामा लागेका हुन् ।
प्रतिनिधिसभा विघटनमा सर्वाेच्च अदालतले ओलीलाई साथ नदिएपनि उनलाई सहज बनाउने गरी पूर्ववतः पार्टी ब्यूँताउने निर्णय सर्वाेच्चले गरिदिए उनले आफ्ना पार्टीभित्र माधव नेपाल समूहलाई पेल्दै आएका छन् । त्यसका लागि सकेसम्म माधव नेपालसहित अन्य चार जना संघीय सांसदको पनि पद खारेज गरिदिने मनस्थितिमा ओली पुगेका छन् । उनले आफ्नो सरकारका विरुद्ध बन्न सक्ने मोर्चाबन्दीको बालुवाटार भित्रबाट प्रतिरोध गर्ने रणनीति अवलम्बन गर्दै पार्टीभित्रका विपक्षीहरुलाई कसरी तह लगाउने भन्ने योजना बुनिरहेका ओलीले नेपालसहितको सांसद पद खारेज गरे आश्चर्य नहुने ओली पक्षका एक नेताले बताए ।
कांग्रेस–माओवादी ओली नेतृत्वको सरकार फेर्ने विषयमा पछिल्लो समय बाक्लो संवादमा छन् । पुष्पकमल दाहाल ‘प्रचण्ड’ र शेरबहादुर देउवाका बीचमा देउवाका आफन्तका घरमा कयौं पटक ‘गोप्य’ संवादसमेत भएका छन् । कांग्रेस, माओवादी र जनता समाजवादी पार्टी (जसपा) भित्रको उपेन्द्र यादव र डा बाबराम भट्टराईसम्म पनि ओलीको विपक्षमा छन् । पछिल्लो दिनमा त झन् राष्ट्रिय जनमोर्चा पनि ओलीको विपक्षमा उभिएको छ । यस्तो बेलामा ओलीले आफूलाई सबै पक्षले घेराबन्दी गरिरहेको महशुस ओलीले गरेका छन् ।
अहिले उनी आफ्नो सत्ता जोगाउन विभिन्न विकल्पसहित बसेका छन्, अन्य राजनीतिक दलका नेता विकल्पविहीन जस्ता देखिएका बेला उनी विकल्पसहित बस्नुले ओलीले अबको राजनीतिक कोर्स कसरी अघि बढाउन सक्छन भन्ने बारेमा राजनीति विश्लेषकहरु नै अलमलमा परेका छन् । ओलीसँग सरकार टिकाउन तीन विकल्प छन् । तर ओलीलाई हटाउन कांग्रेस, माओवादी र सिंगो जसपा एकठाँउमा हुनुपर्ने संसद्को गणित छ । त्यही बुझेका ओलीले जसपाभित्र अहिले चलखेल गरिरहेका छन् । जसपात्रिको चलखेल नै मूख्य विषय भएकाले ओलीको ध्यान जसपालाई आफूतिर अल्मल्याउनु नै रहेको छ ।
प्रधानमन्त्री ओलीको रणनीति अहिले जसपाभित्रको पनि पूर्वराजापाका नेताद्वय महन्थ ठाकुर र राजेन्द्र महतोलाई आफैसँग राख्न चाहिरेका छन् । महन्थ र राजेन्द्रबाट उनले आफ्नो नेतृत्वको सरकारलाई समर्थन गरेको लिखित पत्रको अपेक्षा गरिरहेका छन् । तर उनले अपेक्षा गरेजस्तो महन्थले पनि पत्र बुझाइहालेका छैनन् । तर महन्थलाई ओलीले आफ्नै पेरिफेरिबाट बाहिर जान दिएका छैनन । करिब करिब राजनीतिक चातुर्यताकै कारण गृहमन्त्रालयलबाट कैदी बन्दी छुटाउने गरी नियमावली संशोधन प्रस्तावको मस्यौदा कानुन मन्त्रालय पठाएर भएपनि अल्मल्याएका छन् ।
प्रधानमन्त्री ओलीलाई माओवादीले साथ छाड्ने बित्तिकै उनी नेतृत्वको सरकार अल्पमतमा पर्छ । ओलीसँग रिस हुँदाहँुदै पनि माओवादी केन्द्रले समर्थन फिर्ता लिएको भने छैन । तर ओलीलाई र दुनियालाई थाहा छ–माओवादीले ओलीमा अडाइरहेको विश्वासको मत जुनकुनै दिन झिकिदिन सक्छ । अविश्वासको प्रस्ताव पेश हुने र अविश्वासको प्रस्ताव पास हुने चरणमा पुग्दा माओवादीले समर्थन फिर्ता लिने अवस्था छ । तर जसपा ओलीको साथमा रहँदा सम्म अविश्वासको प्रस्ताव संसदबाट पास हुने अवस्थामा छैन । त्यही भएर नै ओलीलाई जसपाको साथ चाहिएको हो ।
ओलीको रणनीति भनेकै सके जसपाभित्रको राजपाको समर्थन लिने, नसके पनि कांग्रेस–माओवादीसँग मिल्न नदिई जसपालाई अनिर्णित बनाइराख्ने देखिन्छ । उनले शनिबारलाई बालुवाटारमा सर्वदलीय बैठक बोलाएर सभामुखका कारण एमसीसी पास हुन नसकेको आरोप लगाए । संसद् प्रभावकारी बन्न नसकेको, एमसीसी अल्झिएको र नयाँ सरकारका लागि हुन खोजेको चलखेल रोकेर बरु ‘अर्ली इलेक्सन’मा मुलुकलाई लैजानु पर्ने भन्दै सर्वदलीय बैठकमा भनेका थिए ।
त्यसकारण ओली जसरी पनि निर्वाचनमा जान चाहिरहेका छन् । ओली जसपाको मागअनुसार रेशम चौधरीको रिहाइलगायत मुद्दा सम्बोधन गर्न चाहान्छन् । तर त्यसको कानूनी पाटो कसरी मिलाउने भन्नेमा छन् । ओली चौधरीलाई अदालती प्रक्रियाबाट रिहाई गराउन चाहान्छन् । अन्यको हकमा भने फौजदारी मुद्दासम्बन्धी नियमावली मन्त्रिपरिषद्बारा संशोधन गरी रिहाइको प्रयास गरेका छन् । तत्काल सरकारमा नगएपनि जसपालाई विभिन्न तरिकाले अल्मल्याइरहेका छन् ।
ओलीलाई आफ्नै पार्टीभित्रको पनि आन्तरिक समस्या मिलाउनु पर्ने अर्काे दबाब छ । माधव नेपाल, झलनाथ खनाल पक्षका चार नेतालाई उनले निलम्बन गरेका छन् । नेपाल पक्षका नेताका सामूहिक माग सम्बोधन नगर्ने रणनीति बनाउँदै पार्टीमा आफू बलियो बनेका बेला ओलीले नेपाल पक्षलाई कमजोर बनाउने रणनीति अवलम्बन गरेका छन् । जसले गर्दा पार्टीभित्रको आलोचनालाई पनि ओलीले सामाना गर्दा केहीलाई निष्काषण गर्ने र उनीहरुको स्थानमा निर्वाचन गराउने वा सकेसम्म अर्ली इलेक्सनमा जाने ओलीको दाउ रहेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपस्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
सरकारले तोक्यो चैते धानको समर्थन मूल्य
चैत १५, २०८० बिहिबार
‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार