भजनीका जयबहादुर बुढा पत्रकारितासँगै कृषिकर्ममा
नेपालबहस संवाददाता
बैशाख ५, २०७८ आइतबार १६:४४:८
५ वैशाख, भजनी । विगत लामो समयदेखि पत्रकारिता गर्दै आएका कैलालीको भजनी नगरपालिका–२ कटानपुरका जयबहादुर बुढा अहिले पत्रकारितासँगै कृषिकर्ममा लागेका छन् । जीवनको ऊर्जावान समय पत्रकारितामा बिताएका बुढा अहिले भजनी क्षेत्रको सफल कृषकका रूपमा स्थापित हुँदै छन् । छोटो समयमा उहाँले बङ्गुरपालन व्यवसायबाट राम्रो आम्दानी मात्रै गरेका छैनन्, अन्य थुप्रैलाई पेशामा आकर्षितसमेत गराएका छन् ।
कुनै बेला कैलाली जिल्लाको सदरमुकाम भएको भजनी मिडिया क्षेत्रमा भने अगाडि बढ्न नसकेको अवस्थामा बुढाले व्यावसायिक पत्रकारितालाई अगाडि बढाउने अठोट गरेको बताउछन । भजनी क्षेत्रमा अझै पनि पत्रकार छैनन् । त्यहाँ अहिलेसम्म स्थानीय मिडियाको पनि त्यति पहुँच पुग्न सकेको छैन । भजनी नगरपालिकाबाट पहिलोपटक बुढाले साप्ताहिक पत्रिका सञ्चालनमा ल्याएका छन् ,
विसं २०६३ मा क्याम्पस पढ्दा कैलालीको स्थानीय दैनिक पत्रिकामा समाचारदाताका रूपमा काम थालेका बुढाले एफएम रेडियो हुँदै पछि आफैँ साप्ताहिक पत्रिकाको प्रकाशक बने तर त्यही पेशालाई थप अगाडि बढाउन आफैँले अठोट गरे पनि पत्रकारिताबाट मात्रै आधारभूत आवश्यकता पूरा नहुने भएपछि कृषि पेशालाई पनि अँगाल्न पुगे ।
पत्रकारितासँगै डेरी उद्योग सञ्चालनमा ल्याएका बुढा त्यससँगै बङ्गुरपालन शुरु गरेको बताउनुहुन्छ । “डेरीमा खेर गएका वस्तु व्यवस्थापन गर्न बङ्गुरपालन शुरु गरेको थिएँ”, बुढाले भने, “कान्द्रा नदीछेउमा रहेको सात कठ्ठा जग्गामा बङ्गुरका लागि खोर निर्माण गरी बडिमालिका कृषि प्रवद्र्धन केन्द्र प्रालि दर्ता गरेँ, खोरमा २५ वटा पोथी र दुई भाले बङ्गुर राखेर व्यवसाय शुरु गरेको हुँ ।”
रु १५ लाखमा दुई कठ्ठा जग्गा खरिद गरेका बूढाले पाँच कठ्ठा जग्गा लिजमा लिएका छन् । वार्षिक १४ प्रतिशत ब्याजदरमा ऋण लिएर सामान्य खोर बनाएर बङ्गुरपालन शुरु गरेका बुढाले विसं २०७६ मा सात प्रतिशत ब्याजदरमा रु ४८ लाख कृषि ऋण लिएको बताए । बङ्गुरफार्ममा १५ महिनाको अवधिमा करिब ९०० पाठापाठी उत्पादन हुँदै आएका छन् । “फार्ममा मसँग ३० वटा माउ बङ्गुर छन् । पन्ध्र महिनाको अवधिमा एउटाले १०० पाठापाठी दिन्छ”, बुढाले भने, “बजारको माग अझै पूरा गर्न सकिएको छैन । उत्पादन हुनुभन्दा पहिले नै बुकिङ भइहाल्छ ।” उहाँले १५ महिनामा रु ४० लाखभन्दा बढी आम्दानी हुने गरेको बताउँदै करिब रु २० लाख बचत गर्न सफल भएको बताए।
“एउटा बङ्गुरको मासुबाट रु ३० हजारसम्म आम्दानी हुन्छ, बङ्गुरको पाठाको मूल्य बढेको छ”, बुढाले भने, “एउटा पाठापाठी रु पाँच हजारमा बिक्री गर्छु भने श्रमिक, दाना अन्य उपचार खर्च कटाएर रु २० लाखभन्दा बढी आफूलाई आम्दानी हुने गरेको छ ।” उनले अन्य पत्रकारितामा लागेकाहरुलाई पनि त्यसैको पछि लागेर भविष्य नबन्ने भन्दै कुनै न किनै व्यवसायको पाटोमा जोडिन आग्रहसमेत गरे । “पत्रकारिता एक नशाजस्तै रहेछ, आम्दानी छैन तर पनि छोड्न सकिँदैन”, बुढाले भने, “समाजमा पत्रकार भनेर सम्मानचाहिँ पाइन्छ तर घरको अवस्था कहालीलाग्दो हुने हुँदा पत्रकारितालाई ‘साइड’ पाटोमा राखेर व्यवसाय गर्नुको विकल्प म देख्दिनँ ।”
उनलाई भजनी नगरपालिकाले पनि राम्रो सहयोग गरेको छ । आर्थिक तथा प्राविधिकरूपमा नगरपालिकाको सहयोग रहेको बताउँदै बुढाले भने, “गत वर्ष ५० प्रतिशत अनुदानमा नगरपालिकाले खोर सुधारमा रु आठ लाख सहयोग गरेको थियो । बङ्गुरमा कुनै समस्या आए नगरपालिकाको पशु शाखाका प्राविधिक तुरुन्त फार्ममा पुग्छन् ।” उनले अन्य निकायबाट पनि व्यवसायमा सहयोग पाइरहेको बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमौरीपालक कृषक बढ्दै ,उत्पादन घट्दै
बैशाख ८, २०८१ शनिबार
चीनबाट आयात गरिएको रासायनिक मल काठमाडौं ढुवानी
बैशाख ७, २०८१ शुक्रबार
हलगोरु पाल्ने किसानलाई अनुदान दिने
बैशाख ३, २०८१ सोमबार
इलाम क्षेत्र न. २ मा कांग्रेस र स्वतन्त्रको देखियो चहलपहल
यज्ञप्रसाद भट्टराई
बैशाख ८, २०८१ शनिबार
हार्दिक पाण्डेयलाई १२ लाख जरीवाना
नेपालबहस संवाददाता
बैशाख ७, २०८१ शुक्रबार
अभिनेत्री शिल्पाका पति कुन्द्राको ९८ करोड सम्पति जफत
नेपालबहस संवाददाता
बैशाख ६, २०८१ बिहिबार
इलाम क्षेत्र न. २ मा कांग्रेस र स्वतन्त्रको देखियो चहलपहल
बैशाख ८, २०८१ शनिबार
प्रिमियर कपमा तेस्रो स्थानको लागि नेपाल र हङकङ खेल्ने
बैशाख ७, २०८१ शुक्रबार
सिंगापुरमा एभरेष्ट मसला माथी प्रतिबन्ध, किटनाशक औषधी हालिएको खुलासा
बैशाख ८, २०८१ शनिबार
अब आन्तरिक कलह हट्नुपर्छ : नेतान्याहु
बैशाख ८, २०८१ शनिबार
सगरमाथा आरोहण उत्साहजनक : आरोहणबाट उठ्यो ५० करोडभन्दा बढी राजस्व
बैशाख ८, २०८१ शनिबार
आगो निभाउन गएको दमकल दुर्घटना, ६ जना घाइते
बैशाख ८, २०८१ शनिबार
वीरगञ्ज भन्सारद्वारा आठमहिनामा एक खर्ब १४ अर्ब राजस्व संकलन
बैशाख ८, २०८१ शनिबार
भन्सार छलेर ल्याएका ५० लाखका कपडा र काजु बरामद
बैशाख ८, २०८१ शनिबार