आर्थिक अनियमितता अभियोगमा एनआरएनए बोर्ड अफ डाइरेक्टर कारबाहीमा

५ वैशाख, युएई । नेपाली एशाेसिएशन ‘एनआरएनए’ युएईमा आर्थिक अनियमिततापछि बोर्ड अफ डाइरेक्टरलाई कारबाही गरिएको छ । अरुलाई भ्रष्टाचारको पाठ सिकाउँदै सामाजिक संजालमा सक्रिय हुने नेपाली एशाेसिएशन युएईका बोर्ड अफ डाइरेक्टर  पासाङ शेर्पा भ्रष्टाचारको अभियोगमा कारबाहीमा परेका हुन् ।

युएई सरकारबाट सामाजिक कार्य गर्न मान्यता प्राप्त संस्था ‘एनआरएएनए’ युएईका बोर्ड अफ डाइरेक्टर शेर्पा कोभिडको समयमा युएईका श्रमिकको उद्धारको लागि आएको रकम उद्धारमा नलगाइ केही ब्यक्तिको मिलेमतोमा खाएर संस्थाको बेइज्जत गरेको भन्दै संस्थाको बोर्ड अफ डाइरेक्टर पदबाट निलम्बन गर्दै बाँकी कारबाहीको लागि युएई सरकारलाई सिफारिस गर्ने निर्णय गरेको हाे ।

आर्थिक अनियमितता गरेको आरोपमा एनआरएन यूएईका अध्यक्ष प्रकाश कोइराला र उपाध्यक्ष पासाङ शेर्पा एनआरएन आईसीसीको निलम्बनमा परेका छन् ।