भारतमा कोरोनाबाट एकै दिन १५०१ जना संक्रमितको मृत्यु

५ वैशाख, एजेन्सी । भारतमा कोरोना भाइरसबाट एकै दिन १५०१ जना संक्रमितको मृत्यु भएको छ । पछिल्लो चौबिस घण्टामा भारतभर १५ सय भन्दा धेरै कोरोना संक्रमितको मृत्यु भएको हो ।

समाचार एजेन्सीका अनुसार एकैदिन नयाँ संक्रमित भेटिनेको संख्या पनि हरेक दिन आक्रामक रुपले बढिरहेको छ। गएको २४ घण्टामा २ लाख ६१ हजार ५०० जना नयाँ संक्रमित थपिएका हुन्।

योसँगै भारतमा कोरोना संक्रमित हुनेको कुल संख्या १ करोड ४७ लाख ८८ हजार भन्दा धेरै पुगेको छ। शनिबार भारतमा दुई लाख ३४ हजार ६९२ जनामा संक्रमण पुष्टि भएको थियो भने चोबिस घण्टामा १३ सय ४१ जनाको ज्यान गएको विवरण सार्वजनिक भएको थियो।

हालसम्म भारतमा कोरोना संक्रमणले ज्यान गुमाउनेको संख्या १ लाख ७७ हजार १५० पुगेको छ। भारतमा अहिले सक्रिय कोरोना संक्रमितको संख्या १८ लाख भन्दा धेरै छ। एक करोड २८ लाख भन्दा धेरै संक्रमणमुक्त भएका छन्।