काठमाडौंबाट भाउजुको हत्या आरोपमा देवर पक्राउ

५ वैशाख, काठमाडौं । काठमाडौं प्रहरीले भाउजुको हत्या गरेको आरोपमा उनका देवरलाई नियन्त्रणमा लिएकाे छ । महानगरीय प्रहरी वृत्त नयाँ बानेश्वरका अनुसार काठमाडौं महानगरपालिका १० अनामनगरमा भाउजु रोशनी राजभण्डारीको हत्या गरेको आरोपमा देवर मोहन राजभण्डारीलाई प्रहरीले पक्राउ गरेकाे हो

भाउजु रोशनीलाई देवर मोहनले फलामको रडले टाउकोमा हानेर हत्या गरेकाे प्रहरीले जनाइएको छ । मोहनले बुलबुले मार्गको गल्लीमा भाउजुलाई रडले टाउकोमा हानेर गम्भीर घाइते बनाएको प्रहरीले जनाएको छ । प्रहरीका अनुसार भाउजुको हत्या गरेको स्वीकार गर्दै मोहन राजभण्डारी आफै महानगरीय प्रहरी परिसर टेकुमा उपस्थित भएका थिए ।

प्रहरीका अनुसार मादक पदार्थ सेवन गरेका भण्डारीले भाउजू पसलमा तरकारी लिन गएर फर्किँदा फलामको रड (खन्ती) ले हिर्काएका थिए । घटना भएलत्तगै रोशनीलाई उपचारका लागि ट्रमा सेन्टर लगिएको थियो । तर, केहीबेरमै उनकाे उपचारका क्रममा मृत्यु  भएको बताइएको छ।पक्राउ परेका मोहनलाई अहिले प्रहरी वृत्त वानेश्वरको हिरासतमा राखिएको छ ।