चन्द्रागिरीबाट अन्तर्राष्ट्रिय कल बाईपास गर्ने दुईजना पक्राउ

५ वैशाख, काठमाडौं । प्रहरीको केन्द्रीय अनुसन्धान ब्‍यूरो ‘सीबीआई’ ले अवैध रुपमा अन्तर्राष्ट्रिय कल बाईपास गर्ने दुईजनालाई पक्राउ गरेको छ । प्रहरीले अवैध रुपमा भीओआईपी चलाएको आरोपमा दुईजनालाई पक्राउ गरेको हो ।

पक्राउ पर्नेमा ३१ वर्षीय भारतीय नागरिक राना शाह र अर्को बंगलादेश मूलका नेपाली नागरिकताधारी स्यामुल खान भन्ने मोसलिम मियाँ अन्सारी रहेका छन् । उनीहरुलाई  ‘सीबीआई’ ले काठमाडौको चन्द्रागिरी नगरपालिका, वडा नं २, बसण्डोलस्थित श्यामकृष्ण श्रेष्ठको घरबाट पक्राउ गरेको हो ।

उनीहरुको साथबाट ६४ पोर्टको जीओआईपी गेटवे, निलो रङको डेल कम्पनीको ल्‍यापटप र चार्जर, टेलिटक लेखिएको सेतो मोडियम, टीपी लिंकको डेस्कटप स्विच, निलो रङको रेडमी नोट ६ प्रो मोबाइल, लाभाको एआरसी १०७ मोडलको मोबाइल र पेन ड्राइभ बरामद गरेको छ । उनीहरुमाथि थप अनुसन्धान भइरहेको प्रहरीले जनाएको छ ।