विप्लव ओलीप्रति असन्तुष्ट

५ वैशाख, काठमाडौं । प्रधानमन्त्री केपी ओली र नेपाल कम्युनिस्ट पार्टी (नेकपा)का महासचिव नेत्रविक्रम चन्द’विप्लव’बीच भेटवार्ता भएको छ । प्रधानमन्त्री निवास बालुवाटारमा प्रधानमन्त्री ओली र विप्लवबीच भएको भेटवार्ता तीन बुँदे सहमति कार्यान्वयनबारे छलफल भएको हो ।

भेटमा आफ्ना कैदीबन्दी रिहाइमा ढिलो भएको गुनासो विप्लवले ओलीसमक्ष गरेका छन् । भेट्मा विप्लव नेकपाका वार्ता टोली संयोजक खडगप्रसाद विश्वकर्मा ‘प्रकाण्ड’ पनि सहभागी थिए।

विप्लव निकट नेता उदय चलाउने ‘दीपक’ले सरकारसित भएको सहमति कार्यान्वयनमा भएको ढिलाइबारेमा आफ्नो धारणा राखिएको बताए। भेटमा सहमतिअनुसार आफ्ना नेता कार्यकर्ता नछुटेकोमा विप्लवले असन्तुष्टि जनाएका थिए।

तीन बुँदे सहमतिपछि यसअघि पनि ओली र विप्लवबीच भेटवार्ता भएको थियो। सहमतिमा कारागारमा रहेका विप्लव समूहका नेतारकार्यकर्ता रिहाई गर्ने र मुद्दा खारेज गर्ने विषय उल्लेख थियो।