महाधिवेशन सार्नेबारे राप्रपाको बैठक आज बस्दै

६ वैशाख, काठमाडौं । महाधिवेशन कार्यतालिका हेरफेर गर्न राष्ट्रिय प्रजातन्त्र पार्टी ‘राप्रपा’ ले केन्द्रीय सचिवालय कार्यव्यवस्था समितिको बैठक आज बस्दै छ । बैठक आज दिउँसो दुई बजे केन्द्रीय कार्यालय चाबहिलमा बस्ने छ ।

राप्रपाले २५–२८ वैशाखमा महाधिवेशनको मिति तय गरेको छ । तर, सक्रिय सदस्यता र स्थानीय तहको अधिवेशन नसकिएकाले महाधिवेशनको मिति सार्नेबारे पनि बैठकमा छलफल हुँदैछ ।

राप्रपाले यसपटक सक्रिय सदस्यबाट महाधिवेशन प्रतिनिधि चयन गर्दैछ । यसअघि पनि कमिटीबाट प्रतिनिधि चयन गर्ने गरेको थियो । सक्रिय सदस्य तीन लाख पु¥याउने राप्रपाले लक्ष्य तय गरेको छ ।