रात्रीकालिन व्यवसायमा रोक लगाउने मन्त्रिपरिषदकाे निर्णय

६ वैशाख, काठमाडौं । सरकारले सीमा नाकामा होल्डिङ सेन्टर राख्ने भएको छ । सोमबार बिहान बालुवाटारमा बसेको मन्त्रिपरिषद बैठकले
कोरोना महामारी थप फैलन नदिन जिमहल, पार्टी प्यालेस, सभा सम्मेलन, रात्रीकालिन व्यवसाय रोक लगाउने निर्णय गरेको हो ।

साथै बैठकले जनस्वास्थ्य मापदण्ड पूरा गरेर २५ जना भन्दा बढी भेला हुन नपाउने निर्णय गरेको समेत गरेको छ । यस्तै आजको बैठकले अन्तर्राष्ट्रिय नाकामा ६ वटा होल्डिङ सेन्टर जसमा प्रदेश १ मा २, प्रदेश २ मा १, लुम्बुनी र सुदूरपश्चिम प्रदेशमा २-२ वटा होल्डिङ सेन्टर राख्ने निर्णय गरेको छ।

यसैबीच कोरोनाको दोस्रो लहर आएकोले नियन्त्रणका लागि विस्तृत आदेश जारी गर्ने निर्णय बैठकले गरेको छ । बैठकको निर्णय अनुसार अब यातायातमा हुने भिड पनि कम गरिने छ । सबै क्षेत्रबारे समेटिएको आदेश आजै जारी हुने र आजैदेखि लागू गरिने छ ।