पेस्तोल र गोलीसहित २ जना पक्राउ

६ वैशाख, काठमाडौं । प्रहरीले विभिन्न जिल्लाबाट पेस्तोल र गोलीसहितसहित २ जनालाई पक्राउ गरेकाे छ ।  सुनसरी, कोशी गाउँपालिका -४ जुद्धगञ्ज बस्ने कयुम मन्सुरीको घरमा आएका उनका ज्वाई सप्तरी कञ्चनपुर नगरपालिका-१ बस्ने २४ वर्षीय जमाल मन्सुरीलाई १ थान कटुवा पेस्तोल र उक्त पेस्तोलको २ राउण्ड गोलीसहित आइतबार राति प्रहरीले पक्राउ गरेको हाे।

कयुमको घरमा रोजा पर्व मनाउन आएको अवस्थामा जमाललाई अस्थायी प्रहरी पोष्ट शिबचोक कटानबाट खटिएको प्रहरीले उक्त पेस्तोल र गोलीसहित फेला पारी पक्राउ गरेको हो ।

यस्तै प्रहरीले नवलपरासी ‘पश्चिम’, सुस्ता गाउँपालिका ५ रामनगरबाट १ थान पेस्तोल, सोही पेस्तोलमा लोड भएको १ राउण्ड गोली, नगद ४ हजार १ सय ५० रुपैयाँ र १ थान मोबाइलसहित सोही गाउँपालिका-५ तरेनी बस्ने २२ वर्षीय सुनिल भेडियार पाललाई सोमबार बिहान प्रहरीले पक्राउ गरेको छ ।

भारतबाट नेपालतर्फ आउँदै गरेको युपी ५७ एजेड ५०१९ नम्बरको मोटरसाइकललाई प्रहरी चौकी रामनगरबाट खटिएको प्रहरीले जाँच गर्ने क्रममा मोटरसाइकल चालक सुनिललाई उक्त हतियार सहित फेला पारी पक्राउ गरेको हो । यस सम्बन्धमा स्थानीय प्रहरीले थप अनुसन्धान गरिरहेको छ ।