बुक विल्डिङ विधिमार्फत निष्कासन हुने शेयरमा मूल्य तोक्न ९ ओटा संस्थागत लगानीकर्ता थपिए

६ बैशाख, काठमाडौं । बुक विल्डिङ बिधिमार्फत निष्कासन हुने शेयरमा मूल्य तोक्नका लागि थप ९ संस्थागत लगानीकर्ता थप भएका छन् ।

यसअघि ७४ वटा योग्य संस्थागत लगानीकर्ताहरुलाई अनुमति दिएको नेपाल धितोपत्र बोर्डले वैशाख ३ गते थप ९ वटा संस्थालाई अनुमति प्रदान गरेको हो ।

थपिएका संस्थागत लगानीकर्ताहरुमा सिद्धार्थ इन्स्योरेन्स लिमिटेड, जय गणेश इन्भेष्टमेण्ट कम्पनी , आइसिएफसी फाइनान्स, जे–नेक्स इन्भेष्टमेण्ट, मुक्तिनाथ विकास बैंक, पोखरा फाइनान्स, स्वाभिमान लघवित्त वित्तीय संस्था, श्री इन्भेष्टमेण्ट एण्ड फाइनान्स र नेपाल बैंक रहेका छन् ।

थपिएका संस्थागत लगानीसहित हालसम्म ८३ ओटा संस्थागत लगानीकर्ता बुक विल्डिङ् विधिमार्फत निष्कासन हुने शेयरमा बोलकबोल गर्न योग्य भएका हुन् ।