डिम्याट खोल्नेको संख्या साढे ३४ लाख नजिक

६ बैशाख, काठमाडौं । डिम्याट खाता खोल्नेको संख्या साढे ३४ लाख नजिक पुगेको छ । पछिल्लो समय निरन्तर सुधारतर्फ लागिरहेको शेयर बजार र सार्वजनिक शेयर निष्कासन ‘आईपीओ’मा सर्वसाधारणको आकर्षणले डिम्याट खोल्नेको सङ्ख्या बढिरहेको छ ।

सीडीएस एन्ड क्लियरिङ लिमिटेडका अनुसार आइतबारसम्म ३४ लाख ३१ हजार ७७६ पुगेको छ । उक्त लिमिटेडमा अनुसार झन्डै साढे ३४ लाख डिम्याट खातामा छ अर्ब ४३ करोड ३१ लाख ५६ हजार २८९ कित्ता शेयर रहेको छ ।

सर्वसाधारणको लागि पछिल्लो समयमा हात खाली नहुने र ठूलो सङ्ख्यामा शेयर पर्नेगरी आईपीओ खुलाइएको नेपाल रिइन्स्योन्स कम्पनी र नेपाल इन्फ्रास्ट्रक्चर बैंकले आईपीओतर्फको आकर्षण बढाएका छन् ।

सीडीएस एन्ड क्लियरिङ लिमिटेडका प्रमुख कार्यकारी अधिकृत पूर्णप्रसाद आचार्यका अनुसार मेरो शेयर प्रयोगकर्ताको सङ्ख्या पनि २२ लाख १३ हजार ८०६ पुगेको छ । माघमा मेरो शेयर प्रयोगकर्ता तीन लाख तीन हजार ३२४ थपिएकामा फागुनमा तीन लाख ३७ हजार ४४४ थपिएका थिए ।