मलेसियाले दियाे नेपाललाई ११० रनको लक्ष्य

६ वैशाख, काठमाडौं । त्रिकोणात्मक टी–ट्वान्टी क्रिकेट सरिजमा मलेसियाले नेपाललाई ११० रनको लक्ष्य दिएको छ। कीर्तिपरस्थित त्रिवि क्रिकेट मैदानमा सोमबार भएको खेलमा नेपालले टस जितेर फिल्डिङ रोजेपछि पहिले व्याटिङ गरेको मेलेसियाले १६ ओभर पाँच बलमा सबै विकेट गुमाउँदै १०९ रन मात्रै बनाउन सक्यो।

उसका लागि सयिद अजिजले २७, शरविन मुनिन्डेयले २० र शाफिक शरिफले १५ रन जोडेपनि अन्य ब्याट्सम्यानले राम्रो प्रदर्शन गर्न सकेनन्।मलेसियालाई सस्तैमा समेट्न बलिङतर्फ नेपालका करण केसीले तीन, सन्दीप लामिछानेले दुई तथा सोमपाल कामी, दीपेन्द्र सिंह ऐरी, कुशल मल्ल र शाहब आलमले एक–एक विकेट लिए।

नेपालले सिरिजको आफ्नो पहिलो खेलमा शनिबार नेदरल्याण्ड्सलाई हराएको थियो। मलेसिया पहिलो खेलमा नेदरल्याण्ड्ससँग पराजित भएको थियो।