बाँकेमा संक्रमणबाट २० वर्षीया स्टाफ नर्सको मृत्यु

६ वैशाख, काठमाडौं । बाँकेमा ज्यानमारा कोरोना भाइरसको संक्रमणबाट स्टाफ नर्सको मृत्यु भएको छ । दाङस्थित राप्ती स्वास्थ्य विज्ञान प्रतिष्ठानमा कार्यरत २० वर्षीया स्टाफ नर्सको उपचारको क्रममा बाँकेको भेरी अस्पतालमा मृत्यु भएको हो ।

कोरोना संक्रमण पुष्टि भएपछि ६ दिनअघि उनी भेरी अस्पतालमा भर्ना भएकी थिइन् । स्वास्थ्य अवस्था बिग्रँदै गएपछि ३-४ दिनयता भेन्टिलेटरमा राखेर उनको उपचार भइरहेको थियो । तीन महिनाको सुत्केरी समेत रहेकी उनको उपचारकै क्रममा आज बिहान करिब १० बजे मृत्यु भएको हो ।