दुई वाणिज्य बैंकसहित यी कम्पनीको शेयरमा उच्च माग, कुनको कति ?

६ बैशाख, काठमाडौं । सोमबार शेयरबजार १ दशमलव ३५ प्रतिशतले घटेको छ । १ दशमलव ३५ प्रतिशतले घटेको बजारमा दुई वाणिज्य बैंकसहित दश कम्पनीको शेयरमा उच्च खरिद माग आएको हो ।

आज शेयरबजारमा ज्योति लाइफ इन्स्योरेन्स, नेपाल इन्फ्रास्ट्रक्चर बैंक, सिभिल बैंक, मेगा बैंक, महिला लघुवित्त र अरुण भ्याली हाइड्रोको शेयरमा उच्च भुम्मिएका हुन् ।

नेप्से ३५ दशमलव ८९ अंकले घटेर आज २ हजार ६९९ दशमलव ५१ विन्दुमा सिमित भएको छ ।

घटेको बजारमा ६ अर्ब ७६ करोड ६८ लाख १ हजार बराबरको १ करोड ४२ लाख ७६८ कित्ता शेयर कारोबार भएको हो । यो कारोबार २१३ ओटा कम्पनीको ७३ हजार ५८२ पटकको व्यापारमा भएको हो ।

कुन कम्पनीको शेयरमा कति कित्ता शेयर माग ?

आज ज्योति लाइफ इन्स्योरेन्स कम्पनीको शेयरमा सबैभन्दा बढि खरिदकर्ता देखिएका छन् । कम्पनीको शेयरमा १० लाख १५ हजार कित्ता शेयरको खरिद माग आएको हो ।

नेपाल इन्फ्रास्ट्रक्चर बैंकको शेयरमा ६ लाख ६२ हजा कित्ताको शेयर खरिद माग आएको हो । त्यस्तै, सिभिल बैंकको शेयरमा ५ लाख ८५ हजार, मेगा बैंकको शेयरमा २ लाख ६४ हजार कित्ता, महिला लघुवित्तको शेयरमा २ लाख ४२ हजार र अरुण भ्यालीको शेयरमा १ लाख ८० हजार कित्ताको खरिद माग आएको हो ।