रोयल बचत तथा ऋण सहकारीको भित्तेपात्रो विमोचन
नेपालबहस संवाददाता
बैशाख ६, २०७८ सोमबार २२:२८:३०
६ वैशाख, स्याङ्जा । स्याङ्जा सदरमुकामस्थित स्याङ्जा बजारमा रहेको प्रतिष्ठित सहकारी रोयल वचत तथा ऋण सहकारी संस्था लिमिटेडको आयोजनामा नयाँ वर्ष २०७८ को भित्तेपात्रो विमोचन तथा बधाई शुभकामना आदानप्रदान कार्यक्रम सम्पन्न भएको छ ।
बिमोचन कार्यक्रममा बोल्दै मुक्तिनाथ विकास बैंकका अध्यक्ष भरतराज ढकालले हाल संचालनमा रहेका सहकारीहरु परम्परामा आधारित रहेको बताउँदै सहकारीहरुले नयाँ ढङ्गबाट अगाडी बढ्ने सोच बनाउनु पर्नेमा जोड दिए । वाणिज्य र विकास बैंकका कारण सहकारीहरु समस्या उन्मुख बन्दै गएको ढकालले दाबी गरे ।
सहकारीले कृषि र शिक्षा क्षेत्रमा लगानी बढाएर गए सहकारीका चुनौती हट्दै जाने जिकिर गरेका अध्यक्ष ढकालले सहकारीहरुले वचत कारोबारमा मात्रै सिमित हुन नहुनेमा जोड दिए । उनले सहकारीका सदस्यहरुले सहकारीबाट अनेकौं अवसरहरुको खोजि गरे पनि त्यो पुरा नभएको बताए ।
कार्यक्रममा मुक्तिनाथ विकास बैंकका गण्डकी प्रदेश प्रमुख बाबुराम ढकाल, पृथ्वीनारायण क्याम्पसका उप–प्रध्यापक दिपेन्द्र ढकाल, नेपाल पत्रकार महासंघ गण्डकी प्रदेश सदस्य तथा रोयल सहकारीका सचिव प्रकाश डोटेलले सहकारीले आमनागरिकको आर्थिक र सामाजिक विकासमा महत्वपूर्ण भूमिका निर्वाह गर्दै जानुपर्ने बताए ।
त्यस अवसरमा संस्थाका संचालक समितिका सदस्य पृथ्वीप्रसाद पोखरेल, लेखा समितिका सदस्य नविन ढकाल, अनुगमन समितिका संयोजक भवानी शंकर पोखरेल, संचालक सुजता पौडेल, शिक्षा उप–समितिका संयोजक रामप्रसाद लम्साल र मुक्तिनाथ विकास बैंक स्याङ्जाका उपनिर्देशक नविन काफ्लेले शुभकामना व्यक्त गरेका थिए ।
शुभकामना आदानप्रदान कार्यक्रममा नेपाल पत्रकार महासंघको हालै सम्पन्न निर्वाचनबाट नेपाल पत्रकार महासंघ गण्डकी प्रदेश सदस्यमा निर्वाचित रोयल सहकारीका सचिव प्रकाश डोटेललाई सम्मान गरिएको थियो । उनलाई मुक्तिनाथ विकास बैंकका अध्यक्ष ढकालले दोसल्ला ओढाएर सम्मान गरेका थिए ।
सहकारीका अध्यक्ष नारायणप्रसाद पौडेलको अध्यक्षतामा भएको कार्यक्रममा स्वागत उपाध्यक्ष विष्णुप्रसाद पोखरेलले गरेका थिए भने संचालन संस्थाका प्रबन्ध निर्देशक केशवराज लम्सालले गरेका थिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपबाँकेमा गाइभैँसीलाई खोरेतविरुद्धको खोप
चैत १४, २०८० बुधबार
ठाकुरबाबा नगरपालिकाको अर्को बदमासी, अदालतको आदेश लत्यायो
चैत ९, २०८० शुक्रबार
अर्घाखाँचीमा बाली जोगाउन भोटे कुकुर वितरण
चैत ७, २०८० बुधबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
किन भेटिरहेका छन् देउवाले प्रधानमन्त्री प्रचण्ड ?
चैत १५, २०८० बिहिबार
हिमालमा पर्यटकलाई हेलिकोप्टरको सहारा
चैत १५, २०८० बिहिबार
एसईई परीक्षामा निरीक्षक बसेका १० जना निष्काशित
चैत १५, २०८० बिहिबार
नयाँ वर्षमा बन्दीपुरमा सडक खाना महोत्सव हुने
चैत १५, २०८० बिहिबार
परम्परागत होली पछ्याउँदै राना थारू समुदाय
चैत १५, २०८० बिहिबार
एसीसी प्रिमियर कप खेल्ने नेपाली राष्ट्रिय क्रिकेट टिमको बिदाइ
चैत १५, २०८० बिहिबार