आईपीएलः आज मुम्बई र दिल्ली भिड्दै, कुन टिमले मार्ला बाजी

७ बैशाख, काठमाडौं । भारतमा जारी १४औँ सिजनको आईपीएल अन्तर्गत आज मुम्बई इण्डियन्स र दिल्ली क्यापिटल्स खेल्दैछन् ।

यी दुई टोलीबीचको म्याच नेपाली समयअनुसार साँझ ७ः४५ बजे चेन्नईमा सुरु हुनेछ । गत सिजनका विजेता मुम्बई इण्डियन्स र उपविजेता दिल्ली क्यापिटल्सको आजको खेल रोमान्चक हुनेछ ।

यता मुम्बई इण्डियन्स तीन खेलमा दुई सफलता हात पारेको छ भने दिल्ली क्यापिटल्सले पनि तीन खेलमा दुई सफलता हात पारेको छ । यी दुवै टिम निकै टक्कर हुने देखिन्छ ।

पछिल्लो चार खेलमा मुम्बईविरुद्ध दिल्लीले जित हासिल गर्न सकेको छैन् । आजको खेलमा मुम्बई अब्बल देखिन्छ । मुम्बईसंग बलिङ देखि ब्याटिङमा राम्रो विकल्प छन् जसले गर्दा मुम्बई बाजी मार्ने अनुमान गर्न सकिन्छ ।

मुम्बई सम्भावित प्लेइङ-११ रोहित शर्मा (कप्तान), क्विन्टन डीकक (विकेटकीपर), इशान किशन, सूर्यकुमार यादव, मार्को जनसेन, क्रुणाल पाण्ड्या, किरण पोलार्ड, हार्दिक पाण्ड्या, जसप्रीत बुमराह, ट्रेन्ट बोल्ट र राहुल चहर ।

दिल्लीको सम्भावित-११ पृथ्वी शा, शिखर धवन, अजिंक्य रहाणे, ऋषभ पन्त (कप्तान / विकेटकीपर), मार्कस स्टोइनिस, शिमरोन हेटमायर, क्रिस वोक्स, रविचन्द्रन आश्विन, टम करन, अमित मिश्रा र आवेश खान ।