ओलीलाई पार्टी एकताका लागि दवाव, नेपाल समूहभित्र हलचल
नेपालबहस संवाददाता
बैशाख ७, २०७८ मंगलबार १६:२१:३५
७ वैशाख, काठमाडौं । एमाले अध्यक्ष केपी शर्मा ओलीलाई उनकै समूहका नेताहरुले माधव नेपालसँग पार्टी एकता कायम गर्न दबाब दिएका छन् । ओली समूहका नेताहरुले अबको निर्वाचनमा सबैतिर पराजित हुनसक्ने अवस्था आएको र कांग्रेस र माओवादीको दवावमा रहेर निर्वाचन लड्नु पर्ने अवस्था भएकाले पार्टी एकतालाई जोगाउन ओली समूहकै नेताहरुले पार्टी एकतालाई जोड दिएका हुन् ।
उता वरिष्ठ नेता माधवकुमार नेपाल समूहका नेताहरुले पनि ओलीसँगै बसेर अन्तरसंघर्ष गर्दा फाइदा हुने र माओवादीसँग पार्टी एकता गरे झन घाटा हुने भन्दै नेपाललाई दबाब दिन थालेका छन् । नेपाल लगायतका नेताहरु भीम रावल, सुरेन्द्र पाण्डेले नयाँ पार्टी गठन गर्ने कार्य योजना बनाउन थालेपछि नेपाल समूहका अधिकांश केन्द्रीय सदस्यहरुले त्यसको विरोध गरेका छन् । पछिल्ला समयमा एमाले अध्यक्ष केपी शर्मा ओलीले माधव नेपाल पक्षका नेताहरुलाई पार्टीभित्र आएर जिम्मेवारी लिन आग्रह गरेसँगै पार्टीभित्र संघर्ष गर्नुपर्ने लाइन बलियो भएको छ ।
अबको केही सयमपछि निर्वाचनको माहोल बन्ने र नेपाल पक्षमा लागेका नेताहरुले टिकट लगायतको जिम्मेवारी नपाउने देखिएपछि समानान्तर कमिटी बनाइरहेको नेपाल पक्षका नेताहरुले अर्को पार्टी निर्माण गर्ने पहल गरेपछि अधिकांश नेताहरु असहमत भएका हुन् । सोमबार मात्रै माधव नेपाल पक्षका २० जना नेतालाई ओली पक्षले कारवाही सूचीमा राखेको छ । यस्तो अवस्थामा नेपालले पार्टी विभाजनकै बाटो रोज्ने संभावना रहेपनि तत्काल आफू निकटका नेताहरुले दबाब दिएपछि उनी अलमलमा परेका छन् ।
ओली पक्षले सोमबार पार्टी महाधिवेशन आयोजक कमिटीको बैठक बोलाएका थिए । सोमवारको बैठकमा यसअघि माधव नेपाल पक्षमा रहँदै आएका केन्द्रीय सदस्यहरू विष्णु रिजाल, तिलकुमार मेन्याङ्बो र सोम मिश्र सहभागी भए । यसअघि नै नेपाल पक्षधर नेताहरु लालबाबु पण्डित, शेरबहादुर तामाङ, कृष्णभक्त पोखरेललगायत नेताहरु ओली पक्षमा लागेका थिए । नेपालकै सम्धी सोमप्रसाद पाण्डे पनि पार्टी विभाजन गर्नु हुँदैन भन्ने लाइनमा उभिएका छन् ।
सोमबार ओली पक्षले महाधिवेशन आयोजक कमिटीको बैठक राख्दै नेपाल पक्षका २० नेतालाई कारवाहीको प्रकृया अघि बढाएको छ । अध्यक्ष केपी शर्मा ओलीको अध्यक्षतामा बसेको नेकपा एमालेको बैठकले थप नेताहरुमाथि कारबाही गर्ने निर्णय गरेको छ । नेपालले छुट्टै पार्टी गठन गरेर माओवादीसँग एकता गर्ने संकेत पाएपछि ओलीसँगै मिलेर जान दबाब दिएको स्रोतको दावी छ ।
सोमबारको बैठकले यसअघि नै कारबाहीमा परेका पार्टीका वरिष्ठ नेता माधवकुमार नेपाल, उपाध्यक्ष भीम रावल, उपमहासचिव घनश्याम भुसाल र स्थायी समिति सदस्य सुरेन्द्र पाण्डेलाई थप कारबाही गर्ने र अन्य १६ जना नेतालाई पनि कारबाही गर्ने भएको हो । यी चारैजना नेताले यसअघि दिएको स्पष्टीकरण चित्तबुझ्दो नभएको भन्दै निलम्बित गरिसकिएको छ ।
उनीहरुबाहेक प्रकाश ज्वालासहित कणाली प्रदेशका पाँच जना नेताहरु र अन्य नेताहरु समेत गरी २० जना नेतालाई दुई दिनको अन्तिम चेतावनीयुक्त स्पष्टीकरण सोध्ने निर्णय गरेको छ । ती नेताहरुबाट सो स्पष्टीकरण आएपछि बैशाख १० गते बस्ने बैठकबाट कार्बाही प्रकृया अघि बढ्ने बताइएको छ ।
गत पुसमा बसेको ओलीपक्षीय केन्द्रीय समितिको एउटा बैठकले १५ सय १ जनालाई केन्द्रीय सदस्य बनाउने निर्णय गरेको थियो । सो १५ सय १ जनाको समितिलाई अब राष्ट्रिय प्रतिनिधि परिषद बनाउने निर्णय पनि सो बैठकले गरेको छ । ओलीले नेपाल पक्षका नेताहरुलाई कारवाही गर्दै अघि बढ्न थालेपछि यस्तो अवस्थामा नेपालले पार्टी विभाजन गर्नुको विकल्प नभएको बताउदै आएका छन् । तर पार्टी विभाजन भए अहिले नेपाललाई साथ दिइरहेका धेरै नेताहरु ओलीतिर फर्कने संभावना बढेको स्रोतको दावी छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपराहदानीको फिचर्स परिवर्तन र एमआरपी खरिदमा मुख्यसचिवदेखि सुरक्षा सल्लाहकारसम्म तानिने
बैशाख ८, २०८१ शनिबार
सत्ता र शक्ति भएपछि न प्रहरी लाग्छ, न अदालत ?
बैशाख ५, २०८१ बुधबार
गोदावरी बैठक छाडेर घरमै आराम गरिरहेका छन ओली
नेपालबहस संवाददाता
बैशाख ९, २०८१ आइतबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
बैशाख ११, २०८१ मंगलबार
कतारका अमिरको नेपाल भ्रमणः सार्वजनिक विदामै अलमलियो मन्त्रिपरिषद
बैशाख १०, २०८१ सोमबार
सुनचाँदीको मुल्य घट्यो, कतिमा हुँदैछ कारोबार ?
बैशाख ११, २०८१ मंगलबार
सिलाइ मास्टर जीवनका चट्ट परेका कोट
बैशाख ११, २०८१ मंगलबार
महाकाली अस्पतालमा रेबिजविरुद्धको खोप अभाव
बैशाख ११, २०८१ मंगलबार
नासाको भोएजर अन्तरिक्ष यानद्धारा पृथ्वीमा इन्जिनियरिङ् अद्यावधिक पठाउन पुनः सुरु
बैशाख ११, २०८१ मंगलबार
‘सेन्झाउ–१८’ चालक दल अन्तरिक्ष यान प्रक्षेपणका लागि तयार
बैशाख ११, २०८१ मंगलबार
राष्ट्रपति पौडेलले कतारी राजाको सम्मानमा आज साँझ राजकीय भोजको आयोजना गर्ने
बैशाख ११, २०८१ मंगलबार
कतारका राजा अमिर थानी काठमाडौं आइपुगे ( फाेटाे फिचर )
बैशाख ११, २०८१ मंगलबार