भारतमा भेटिएको नयाँ भेरिअन्टलाई खोपले पूर्ण सुरक्षा गर्न नसक्ने !

७ बैशाख, काठमाडौं । भारतमा भेटिएको कोभिड १९ को नयाँ भेरिअन्टलाई खोपले पूर्ण सुरक्षा गर्न नसक्ने तथ्यहरु बाहिर आएका छन् । भारतमा पहिलो पटक भेटिएको कोरोनाभाइरसको नयाँ भेरिअन्ट भएको आनुवंशिक परिवर्तनले त्यसलाई झन् छिटो फैलिने बनाएको हुनसक्ने र यसअघिको सङ्क्रमण वा वर्तमान खोपले पूर्ण सुरक्षा गर्न नसक्ने बताएका छन्।

यसबारेमा सुनिश्चिचताको निम्ति थप अध्ययनहरू आवश्यक रहेको बताइएको छ।कोभिडका हजारौँ प्रजाति वा भेरिअन्टले विश्वमा चक्कर लगाइरहेका छन्।

तिनैमध्ये भारतीय भेरिअन्ट (बी.१.६१७) का १०० भन्दा बढी सङ्क्रमण ब्रिटेनमा पनि फेला परेको छ । भारतीय भेरिअन्ट यूके, ब्रजिल र दक्षिण अफ्रिकाका भेरिअन्ट जस्तै ‘चिन्तित तुल्याउने भेरिअन्ट’ हो भन्ने पर्याप्त आधार अहिलेसम्म नभेटिएको विविसी न्यूज नेपालीले जनाएको छ।