ज्योति लाईफको शेयरमूल्य उच्च दरमा वृद्धि

७ बैशाख, काठमाडौं । साताको पहिलो दिनदेखि घटेको बजार मंगलवार पनि घटिरहेको छ ।

कारोबारको २० मिनेटको अवधिसम्म नेप्से परिसूचक १२ दशमलव १७ अंक घटेर २ हजार ६४९ दशमलव ५५ विन्दुमा झरेको हो । घटिरहेको बजारमा ज्योति लाईफ इन्स्योरेन्सको शेयरमूल्य भने ९ दशमलव ९६ प्रतिशत बढेको छ ।

यस अवधिसम्म उक्त कम्पनीको शेयरमूल्य प्रतिकित्ता  ६८ ले बढेर अन्तिम मूल्य  ७५१ पुगेको हो । यो दिन सर्वाधिक खरीद माग रहेको कम्पनी पनि ज्योति लाईफनै रहेको छ ।

१० मिनेटको कारोबार अवधिसम्म ३ हजार ९० ओटा अर्डरबाट कम्पनीको ६ लाख ८२ हजार ३२५ कित्ता शेयर खरीद माग रहेको छ ।