मंगलबार सुनको मूल्यमा गिरावट

७ बैशाख, काठमाडौं । मंगलबार नेपाली बजारमा सुनको मूल्य तोलामा ३०० रुपैयाँले गिरावट भएको छ । सोमबार तोलामा ९१ हजार रुपैयाँमा कारोबार भएको छापावाल सुनको मूल्य मंगलबार घटेर तोलामा ९० हजार ७०० रुपैयाँमा कारोबार भएको हो ।

नेपाल सुनचाँदी व्यवसायी महासंघका अनुसार तेजाबी सुन तोलामा ९० हजार २०० रुपैयाँमा कारोबार भएको छ । त्यस्तै मंगलबार चाँदीको मूल्य भने स्थिर रहेको छ । सोमबार तोलामा एक हजार ३०० रुपैयाँमा कारोबार भएको चाँदीको मूल्य मंगलबार पनि सोही मूल्यमा कारोबार भएको हो ।