संक्रमणकाे जोखिम बढेपछि नेपाल समुहकाे कार्यक्रम स्थगित

७ वैशाख, काठमाडौं । नेकपा एमालेको माधवकुमार नेपाल समूहले नेपाल कम्युनिष्ट पार्टीको स्थापना दिवस मनाउने कार्यक्रम स्थगित भएको जनाएको छ । सो समूहका केन्द्रीय प्रचार विभागका प्रमुख योगेश भट्टराईले विज्ञप्ति जारी गरेर कोरोना भाइरसको जोखिम बढेकोले उक्त कार्यक्रम स्थगित भएको जानकारी दिएका हुन् ।

कोरोना भाइरसको संक्रमण नियन्त्रण र रोकथाममा सरकार असक्षम भइरहेको छ । यही परिस्थितीलाई मध्यनजर गर्दै ९ बैशाख २०७८ मा काठमाडौँको कमलादीस्थित प्रज्ञा भवनमा आयोजित विशेष कार्यक्रम स्थगित गरिएको छ,’ भट्टराईले जारी गरेको विज्ञप्तिमा भनिएको छ । भट्टराईले विज्ञप्तिमार्फत सरकारले आफ्नै मापदण्ड उल्लंघन गरेको भन्दै आपत्ति जनाएका छन् ।