सुरक्षा मापदण्ड पालना नगरे सिडिओ कार्यालयले कारबाही गर्ने

७ वैशाख, काठमाडौं । काठमाडाैं उपत्यकामा सुरक्षा मापदण्ड पालना नगरे जिल्ला प्रशासन कार्यालय काठमाडाैं (सिडिओ) ले कारबाही गर्ने भएकाे छ । कोरोना रोकथाम तथा नियन्त्रणका लागि सिडिओ कार्यालय काठमाडौंले १३ बुँदे सूचना जारी गर्दै संक्रमणको दाेस्रो लहरमा जोखिम दिनदिनै बढ्दै गएपछि सुरक्षा मापदण्ड पालना नगरे प्रशासन कार्यालयले कारबाही गर्ने चेतावनी दिएको हो ।

सोमबार बसेको मन्त्रिपरिषद बैठकको निर्णय अनुसार गृह मन्त्रालयले जिल्ला प्रशासन कार्यालयलाई पत्र पठाएको हो । सोही पत्र अनुसार प्रशासन कार्यालयले भीडभाड नगर्न, अनिवार्य मास्कको प्रयोग गर्न, २५ जना बढी भेला नहुन, सवारीसाधनमा सिट क्षमताभन्दा बढी नराख्न, यात्रुबाहक सवारीसाधनमा चालक र सहचालकले अनिवार्य मास्क र भाइजर लगाउन अनुरोध गरिएको छ।

प्रशासन कार्यालयले तोकेको स्वास्थ्य मापदण्डको पालना नगरिए संक्रमण रोग ऐन २०२० अन्तर्गत कारबाही गर्ने चेतावनी समेत दिएको छ।