सर्वसाधारणले दुई कम्पनीको करिब २ करोड कित्ता आईपीओ भर्न पाउँने

८ बैशाख, काठमाडौं । बजारमा दुई कम्पनीले आईपीओ निष्कासन हुने भएको छ । मध्यभोटेकोसी जलविद्युत् कम्पनी र सीइडीबी हाइड्रोपावर डेभलपमेन्ट कम्पनी लिमिटेडले आइपीओ निष्कासनका गर्न लागेका हुन् । यी दई वटै कम्पनीलाई भर्खरै आईपीओ निष्कासनको लागि धितोपत्रले अनुमति दिएको हो ।

मध्यभोटेकोसी जलविद्युत् कम्पनीले नेपाल धितोपत्र बोर्डबाट कम्पनीले १ अर्ब ५० करोड रुपैयाँ बराबरको डेढ करोड कित्ता आइपीओ निष्कासनका लागि अनुमति पाएको हो ।

कम्पनीले कुल चुक्तापुँजीको २५ प्रतिशत बराबरको शेयर आइपीओमार्फत् निष्कासन गर्न लागेको हो । कम्पनीको शेयर निष्कासन तथा बिक्री प्रबन्धकमा ग्लोवल आइएमई क्यापिटल लिमिटेड छ ।

त्यसैगरी सीइडीबी हाइड्रोपावर डेभलपमेन्ट कम्पनी लिमिटेडले पनि २५ लाख १८ हजार २३० कित्ता आइपीओ निष्कासनका लागि अनुमति पाएको छ । कम्पनीले ८३ करोड ९४ लाख १० हजार रुपैयाँ बराबरको आइपीओ निष्कासनका लागि अनुमति पाएको हो ।

कम्पनीले कुल चुक्तापुँजीको ३० प्रतिशत सेयर आइपीओ निष्कासन गर्न लागेको छ । कम्पनीको शेयर निष्कासन तथा बिक्री प्रबन्धकमा सनराइज क्यापिटल लिमिटेड छ ।